Almanaque de Galicia (1858)

Na Galipedia, a Wikipedia en galego.
1866

Almanaque de Galicia
para uso
de la juventud elegante y de buen tono
dedicado
á todas las bellas hijas del pais.

Año tercero

precio 4 reales

LUGO
IMPRENTA DE SOTO FREIRE, EDITOR
1865.

O primeiro Almanaque de Galicia, do editor lugués Manuel Soto Freire, apareceu en 1858.[1] O proxecto experimentaría un novo pulo dende 1865 cando pasou a titularse: Almanaque de Galicia para uso de la juventud elegante y de buen tono dedicado á todas las bellas hijas del pais.[1] Estes almanaques conteñen colaboracións en verso e en prosa escritas en castelán e destaca a presenza de artigos asinados por mulleres. Entre os seus colaboradores destacan Rosalía Castro de Murguía, Emilia Pardo Bazán, Emilia Calé, Manuel Murguía, Ramón María del Valle-Inclán ou Juan Antonio Saco y Arce.

Contexto[editar | editar a fonte]

En 1863 publicouse o poemario Cantares gallegos, de Rosalía de Castro. Así, o Almanaque de Galicia sitúase no Rexurdimento, período que tivo lugar na segunda metade do século XIX. Nesta época os poetas recurren á literatura popular para crear os seus textos. Debía ser unha literatura feita para o pobo e a partir do pobo. De aí despréndese o gusto popularizante dos poetas desta época.

Contido[editar | editar a fonte]

Os almanaques conteñen tanto colaboracións en verso como en prosa, na gran maioría en castelán; de feito, en cada almanaque só aparece un ou dous escritos en galego. Teñen algunhas seccións fixas como son a “Galería de gallegos ilustres” ou as “Épocas célebres”, “Témporas” etc. Tamén adoitan aparecer escritos referentes á historia de Galicia.

Nesta serie cabe destacar o Almanaque de 1865. En 1865 saía dos talleres do impresor Soto Freire, en Lugo, a terceira entrega do Almanaque de Galicia, "para uso de la juventud elegante y de buen tono" "dedicado a todas las bellas hijas del país". Entre a variada mistura usual dos almanaques, incluíanse tres textos firmados por Rosalía de Castro: un poema sen título (diálogo entre Ángel e Mujer", unhas curiosas confidencias, de posíbel contido autobiográfico ("Las literatas") e un artigo de título costumista: "Tipos gallegos. El cadiceño". Estes tres artigos foron escritos en castelán e seguen a corrente literaria do costumismo, cuxa finalidade principal era a toma de conciencia da identidade galega, e provocaron ademais dúas polémicas importantes da obra rosaliana.[Cómpre referencia]

Ademais destas incorporacións, o almanaque deste ano non estivo exento de polémica debido a que os alumnos do Seminario de Lugo, en violenta manifestación de protesta, esnaquizáronlle o local ao impresor para impedir a publicación do conto “El Codio”, de Rosalía de Castro, no que se ironizaba sobre algúns estudantes de cura.[Cómpre referencia] Conseguiron os manifestantes o seu propósito e o texto desapareceu. Por outra parte, non se ten tanta información de todos os almanaques como se ten do de 1865, pois do almanaque pertencente ao ano 1868 non se viu ningún exemplar pero si se coñece o sumario.

Cabe dicir que algúns almanaques consérvanse na actualidade de forma renovada. Os almanaques foron publicados coma unha colección que se mantén durante seis anos e suma un total de seis números. Non obstante, na biblioteca de Real Academia Galega fixéronse tres reproducións: o Almanaque para 1865 (segundo ano), o Almanaque para 1866 (terceiro ano) e o Almanaque para 1869 (sexto ano).

Colaboradores[editar | editar a fonte]

Os colaboradores máis importantes, a parte do propio Manuel Soto Freire quen participou activamente con textos da súa produción, foron os seguintes:

Porén, hai moitos poemas que non inclúen o nome do autor e outros que o inclúen máis son iniciais ou un pseudónimo polo que non hai certeza para atribuir a súa autoría.

Almanaques[editar | editar a fonte]

Alamanaque de 1865 (Año segundo)[editar | editar a fonte]

Almanaque de 1866 (Año tercero)[editar | editar a fonte]

"El cadiceño", Almanaque de Galicia, 1865, Lugo.[2]
"Las literatas", Almanaque de Galicia de 1865, Lugo.[2]

Almanaque de 1868 (Año quinto)[editar | editar a fonte]

Almanaque de 1869 (Año sexto)[editar | editar a fonte]

Notas[editar | editar a fonte]

  1. 1,0 1,1 Vilavedra 1997.
  2. 2,0 2,1 2,2 2,3 Almanaque de Galicia, para uso de la juventud elegante y de buen tono de 1865 para 1866. Inclúe El cadiceño (pp.37-41) e Las literatas (pp.56-58).

Véxase tamén[editar | editar a fonte]

Bibliografía[editar | editar a fonte]

Outros artigos[editar | editar a fonte]

Ligazóns externas[editar | editar a fonte]