Alien: Resurrection

Alien: Resurrection
Ficha técnica
Título orixinal	Alien: Resurrection
Director	Jean-Pierre Jeunet
Produtor	Gordon Carroll; David Giler; Walter Hill; Bill Badalato
Guión	Joss Whedon
Baseado en	Personaxes de Dan O'Bannon e Ronald Shusett
Intérpretes	Sigourney Weaver; Winona Ryder; Ron Perlman; Dominique Pinon; Gary Dourdan; Michael Wincott; Brad Dourif; Leland Orser; Dan Hedaya; J. E. Freeman; Kim Flowers; Raymond Cruz
Música	John Frizzell
Fotografía	Darius Khondji
Montaxe	Hervé Schneid
Estudio	Brandywine Productions
Distribuidora	20th Century Fox
Estrea	1997
Duración	109 minutos
Orixe	Estados Unidos
Xénero	Ficción científica, Terror
Orzamento	$75 000 000
Recadación	$161 376 068
Filme anterior	Alien 3
Na rede

Alien: Resurrection é un filme estadounidense dirixido por Jean-Pierre Jeunet que foi estreado en 1997. Cuarto filme da saga de Alien, e o primeiro da serie en ser rodado fóra de Inglaterra, nos estudios de 20th Century Fox dos Ánxeles (California).

No filme, que está ambientado 200 anos despois do filme anterior, Alien 3 (1992), Ellen Ripley (Sigourney Weaver) é clonada e unha raíña Alien é extraída cirurxicamente do seu corpo. A "United Systems Military" pretende criar aliens para estudalos e investigalos na nave espacial USM Auriga, usando hóspedes secuestrados e entregados a eles por un grupo de mercenarios. Os aliens escapan das súas gaiolas mentres Ripley e os mercenarios tentan escapar e destruír a Auriga antes de chega á Terra.

Alien: Resurrection foi estreado o 26 de novembro de 1997 e recibiu acollidas dispares por parte dos críticos de cine.

Sinopse[editar | editar a fonte]

Máis de douscentos anos despois da súa morte, Ripley (Sigourney Weaver) é resucitada mediante o emprego de técnicas avanzadas de clonación. Pero o ADN de Ripley mesturouse co da Raíña Alien durante o proceso, polo que os científicos pretenden recreala tamén. Ripley comeza entón a desenvolver certas características do perigoso alieníxena.