Alianza Kosovo Novo
| Alianza Kosovo Novo | |
|---|---|
 | |
| Tipo | partido político |
| Ideoloxía | Liberalismo |
| Data de fundación | 3 de maio de 2006 |
| Presidente/a | Behgjet Pacolli (pt)  (-)  |
| Sede | Pristina |
| País | Kosovo |
| Na rede | |
| http://www.akr-ks.eu/ | |
| [ editar datos en Wikidata ] | |
Alianza Kosovo Novo (en albanés Aleanca Kosova e Re, AKR) é un partido político kosovar, de orientación liberal[1].
Historia[editar | editar a fonte]
A orixe do partido está nun grupo de presión que creou en Washington o empresario Behgjet Pacolli, propietario da empresa suíza de construción e enxeñería Mabetex[2] en 2004 para favorecer un clima favorable á indepedencia de Kosovo[3]. En 2006 abriu unha oficina en Pristina e pouco despois o 3 de maio dese ano inscribiuno como partido político, e logrou inmediatamente un apoio significativo, e así nas eleccións de 2007 logrou o 12,3% dos votos e 13 escanos na Asemblea de Kosovo, co que se converteu o terceiro partido do país e o primeiro partido da oposición fronte ao goberno de coalición do Partido Democrático de Kosovo (PDK) e da Liga Democrática de Kosovo (LDK), encabezado por Hashim Thaçi.
Nas eleccións de 2010, o AKR obtivo 50 951 votos (7,29%) e 8 escanos e baixou ata o quinto partido do país, pero entrou a formar parte do goberno co PDK e outras forzas minoritarias.
O 22 de febreiro de 2011 a Asemblea elixiu a Behgjet Pacolli como presidente de Kosovo. Ao se converter en presidente, renunciou como líder do AKR debido aos requisitos constitucionais contra o dobre cargo. O 4 de abril de 2011 o presidente Pacolli cesou despois do Tribunal Constitucional declarar a súa elección inconstitucional. A maioría dos parlamentarios da oposición boicotearan as eleccións presidenciais debido á súa insatisfacción cos candidatos, polo que o tribunal invalidou as eleccións. O goberno de coalición con Hashim Thaçi continuou, e Pacolli pasou a ser viceprimeiro ministro de Kosovo[4]. En 2013 o partido fíxose coa alcaldía da sétima cidade do país, Gjakova da man da viceprimeira ministra Mimoza Kusari-Lila.
Nas eleccións de 2014 o AKR logrou 34 170 votos (4,67%) e ao non pasar do requisito do 5% non logrou deputados na Asemblea de Kosovo. Nas seguintes eleccións foi en coalición con diversas forzas políticas e logrou representación no parlamento.
En 2016 o partido viviu unha crise interna que acabou coa marcha de Mimoza Kusari-Lila[5]en maio para se converter nunha das fundadoras de Alternativa no ano seguinte[6].
Nas eleccións de xuño de 2017 foi na denominada coalición LA coa Liga Democrática de Kosovo e Alternativa[7], pero en setembro o AKR deixou a coalición, cos seus catro deputados, e formou goberno coa Coalición PANA nun goberno liderado por Ramush Haradinaj da Alianza polo Futuro de Kosovo e que incluía tamén ministros do Partido Democrático de Kosovo, Lista Serbia, NISMA, así como sete ministros do AKR. Nas eleccións de 2019 concorreu en coalición con NISMA e o PSD[8] e logrou 2 escanos. En xuño de 2020 apoiou o goberno de Avdullah Hoti da Liga Democrática de Kosovo, pero non tivo ministros no seu gabinete. Nas eleccións de 2021 foi na lista do LDK e logrou un deputado.
Resultados electorais[editar | editar a fonte]
| Ano | Votos | %Votos | Escanos | Escanos albaneses | Posición | +/– | Goberno |
|---|---|---|---|---|---|---|---|
| 2007 | 70 165 | 12.3% | 13 / 120 |
13 / 100 |
 3º |
13 | Oposición |
| 2010 | 50 951 | 7.29% | 8 / 120 |
8 / 100 |
 5º |
5 |
Coalición |
| 2014 | 34 170 | 4.67% | 0 / 120 |
0 / 100 |
7º |
8 |
extraparlamentario |
| 2017 | Parte da Coalición LA | 4 / 120 |
4 / 100 |
3º |
4 |
Coalición | |
| 2019 | En coalición con NISMA e PSD |
2 / 120 |
2 / 100 |
6º |
2 |
Apoio ao goberno | |
| 2021 | Dentro da lista do LDK | 1 / 120 |
1 / 100 |
3º
|
1
|
Oposición | |
Notas[editar | editar a fonte]
- ↑ Nordsieck, Wolfram (2021). "Kosovo". Parties and Elections in Europe.
- ↑ "Mabco Constructions SA, Lugano 2 Paradiso Caselle, Schweiz". North Data.
- ↑ "Behgjet Pacolli, dal mattone alla politica". 6 de abril de 2006.
- ↑ Günal, Altuğ (2015). "The Development of the Political System since February 2008". En Sabrina P. Ramet, Albert Simkus e Ola Listhaug. Civic and Uncivic Values in Kosovo: History, Politics, and Value Transformation. Central European University Press. p. 156.
- ↑ "Mimoza Kusari Lila largohet nga AKR, ja ku do të shkojë". Albeu. 3 de maio de 2016. Archived from the original on 29 de outubro de 2019. Consultado o 14 de febreiro de 2023.
- ↑ Wolfram Nordsieck (2023). Parties and Elections in Europe: Parliamentary Elections and Governments since 1945, European Parliament Elections, Political Orientation and History of Parties. BoD. p. 363.
- ↑ "Ekskluzive: AKR-ja i bashkohet LDK-së në koalicion". IndeksOnline. 16 de maio de 2017. Archived from the original on 10 de setembro de 2017. Consultado o 14 de febreiro de 2023.
- ↑ "Kosovo parties sign first pre-election coalition". Gazeta Express. 19 de agosto de 2019. Archived from the original on 23 de agosto de 2019. Consultado o 14 de febreiro de 2023.