Alhama de Almería

Alhama de Almería
Localización
	36°57′27″N 2°34′00″O / 36.9575, -2.5668Coordenadas: 36°57′27″N 2°34′00″O / 36.9575, -2.5668
Estado	España
Comunidade autónoma	Andalucía
Provincia	Provincia de Almería
Capital	Alhama de Almería
Poboación
Poboación	3.817 (2023) (146,81 hab./km²)
Xeografía
Parte de	Notarial District of Almería (en) ; Alpujarra Almeriense (en)
Superficie	26 km²
Altitude	520 m
Comparte fronteira con	Alhabia ; Huécija ; Santa Fe de Mondújar ; Enix ; Alicún ; Terque (pt)
Santo padrón	Nicolao de Mira
Organización política
• Alcalde	Cristóbal Rodríguez López
Identificador descritivo
Código postal	04400
Fuso horario	UTC+01:00
Código INE	04011
Páxina web	alhamadealmeria.org

Alhama de Almería é un municipio español situado na provincia de Almería, Andalucía. No ano 2009, tiña 3.779 habitantes. A súa extensión superficial é de 26 km² e ten unha densidade de poboación de 145,35 hab./km². Situada no val do Andarax, esta vila rica en auga é coñecida como Alhama la Seca ou Alhama de Salmerón. Nas rúas e nas xentes da vila pódese atopar sempre un recordo do seu fillo máis insigne: Nicolás Salmerón Alonso (1838-1908), Presidente da Primeira República Española.

Historia[editar | editar a fonte]

Orixes[editar | editar a fonte]

Nos arredores do municipio, atopamos restos prehistóricos, coma a necrópole da Loma Galera, porén na próxima vila de Santa Fe de Mondújar atópase o poboado de Los Millares. Existen probas evidentes da existencia dun asentamento romano, como mostran os diferentes descubrimentos, sobresaíndo a aparición, no 1984, dunha estatua de mármore dunha figura feminina, A Dama de Alhama, atopada nas proximidades do manancial hidrotermal. Así mesmo, no Frontón municipal, atopáronse os restos dunha importante vila romana.

Non hai dúbidas sobre a cristanización do municipio, pois atopáronse restos de lucernarios co característico Crismón (símbolo de Xesucristo). Desde antigo, o municipio pertenceu a Diocese de Urci (Pechina).

Época musulmá[editar | editar a fonte]

O nome de Alhama provén do árabe alhamman traducido como auga sagrada, o que dá a entender a relevancia que tivo o actual Balneario de San Nicolao. A existencia dunha fortaleza de carácter defensivo, o seu enclave estratéxico e os seus baños termais contribuíron, a dotar de importancia e prestixio á vila. Esta fortaleza, coñecida como "Los Castillejos", construída a finais do século XIII, foi o cuartel do mítico "Señor de Alhama", Azomar. Este árabe ousou rebelarse contra o poderoso califa cordobés Abderramán III, morrendo tras unha oposición de máis de seis anos. Al-Idrisi, famoso xeógrafo árabe da segunda metade do século XII, ofreceunos algúns detalles sobre a Alhama musulmá:" A seis millas de Pechina está Alhama, fortaleza situada no alto do monte. Os viaxeiros de afastados países relatan que non existe no mundo outra que sexa máis sólida nin outro lugar cuxas augas termais manen a tan cálidas. Desde todos os puntos cardinais acoden alí enfermos que permanecen ata verse aliviados das súas doenzas o completamente curados. Os habitantes de Almería viñan antes a repousar coas súas mulleres e fillos. Empregaban alí grandes sumas en comer, beber e outros praceres e o alugueiro dunha habitación podía alcanzar os 3 dinares almorábides ó mes. Os montes que rodean Alhama son moi ricos en xeso; esa substancia extraese, queimase e é transportada cara a Almería para ser empregada na ensamblaxe das pedras dos edificios.

Nesta época, e como recolle Luis Mármol de Carvajal na súa Historia de Rebelión y Castigo de los Moriscos del Reyno de Granada, a cría de vermes da seda era tamén un florecente comercio no municipio. Actualmente, seguen conservándose centenarias moreiras e a cría destes vermes, aínda que non con fins comerciais, senón como entretemento infantil.