Alfredo García Hermida
| Biografía | |
|---|---|
| Nacemento | 26 de setembro de 1894  |
| Morte | 30 de decembro de 1962 (68 anos) Pontevedra, España |
| Datos persoais | |
| País de nacionalidade | España |
| Actividade | |
| Ocupación | Mestre e concelleiro en Pontevedra |
| Familia | |
| Cónxuxe | María Alén Solla |
| Fillos | Alfredo, María Rita, Inés, Luciano, Celia, Vicente, Margarita, Francisco, Carlos e Roberto. |
| Premios | |
| Orde de Afonso X o Sabio. Insignia de prata de Pontevedra en 1960 | |
Alfredo García Hermida, nado o 26 de setembro de 1894[1] e finado en Pontevedra o 30 de decembro de 1962,[2] foi un mestre galego.
Traxectoria[editar | editar a fonte]
Finalizou os estudos de Maxisterio en 1912. Foi mestre do Colexio Balmes de Pontevedra. Aprobou as oposicións en 1915 e foi destinado á Escola Graduada de Marín. Ao ano seguinte pasou a unha escola unitaria de Pontevedra.[3] Despois foi mestre en Mourente. Foi nomeado concelleiro de Pontevedra polo gobernador civil en decembro de 1928,[4] foi socio da Casa del Maestro de Pontevedra, da que foi vicepresidente en 1935.[5] Logo do golpe de Estado do 18 de xullo de 1936 foi suspendido de emprego e soldo.[6] Sometido a depuración, foi sancionado con suspensión de emprego e soldo durante catro meses en decembro de 1937.[7] Volveu ser nomeado concelleiro de Pontevedra nos anos cincuenta.
Recoñecementos[editar | editar a fonte]
Recibiu a Orde de Afonso X o Sabio e a insignia de prata de Pontevedra en 1960,[8] onde tamén se lle dedicou unha rúa.[9]
Vida persoal[editar | editar a fonte]
Casou con María Alén Solla en 1922 e foi pai de dez fillos: Alfredo, María Rita, Inés, Luciano, Celia, Vicente, Margarita, Francisco, Carlos e Roberto.
Notas[editar | editar a fonte]
- ↑ Primer escalafón de maestros de escuelas nacionales existentes en 31 de diciembre de 1933. Madrid: Ministerio de Instrucción Pública y Bellas Artes. 1934. p. 50.
- ↑ Hoja Oficial del Lunes, 31-12-1962, p. 3.
- ↑ La Noche, 30-9-1960, p. 3.
- ↑ El Pueblo Gallego, 2-12-1928, p. 11.
- ↑ El Pueblo Gallego, 11-1-1935, p. 13.
- ↑ Diario de Pontevedra, 31-8-1936, p. 2.
- ↑ Diario de Pontevedra, 1-1-1938, p. 2.
- ↑ El Pueblo Gallego, 4-10-1960, p. 12.
- ↑ "Alfredo Garcia Hermida, Pontevedra 36002". codepostalmonde.com. Consultado o 15 de outubro de 2022.
Véxase tamén[editar | editar a fonte]
Ligazóns externas[editar | editar a fonte]
Alfredo García Hermida na páxina web Nomes e Voces.