Alfredo Erias

Na Galipedia, a Wikipedia en galego.
(Redirixido desde "Alfredo Erias Martínez")
Saltar ata a navegación Saltar á procura
Alfredo Erias
Nacemento29 de maio de 1954
 Abegondo
NacionalidadeEspaña
Ocupaciónarquiveiro
editar datos en Wikidata ]

Alfredo Erias Martínez, nacido en Presedo (Abegondo) o 29 de maio de 1954, é un historiador, pintor, debuxante e gravador, director do Museo das Mariñas, en Betanzos.

Traxectoria[editar | editar a fonte]

Estudou Xeografía e Historia na Universidade de Santiago e traballa como arquiveiro-bibliotecario do concello de Betanzos desde 1983. Entre 1989 e 1992 foi coordinador da Xunta de Galicia para a organización dos arquivos municipais da Coruña, Lugo e Ourense, realizando o inventario de 52 concellos galegos. Igualmente, desde 1984, dirixe o Museo das Mariñas (Betanzos) e a revista Anuario Brigantino e é coordinador da revista Restauro. Revista Internacional del Patrimonio Artístico.

Ademais do seu labor profesional como historiador e investigador, Alfredo Erias é coñecido polos seus detallados debuxos sobre os máis diversos aspectos da arte e historia medievais galegas: sepulcros, laudas, capiteis, relevos etc.

É membro correspondente do Instituto Cultural Galaico-Minhoto e socio honorario da Mesa para a Defensa do Galego en Asturias.

Obra[editar | editar a fonte]

Coma historiador publicou diferentes traballos en distintas revistas, especialmente no Anuario Brigantino, desenvolvendo aspectos etnográficos, económicos e históricos das idades media a contemporánea. Publicou tamén traballos sobre inventarización de arquivos municipais e eclesiásticos. Centra a súa actividade na comarca de Betanzos.

Dirixiu a edición facsimilar de El Censor primeiro periódico de Betanzos, de tendencia liberal e dirixido por Roque Ponte Peña. Este semanario editouse entre os anos 1883 e 1884.

En 1997 fundou, con María Teresa Garea, a editorial Briga Edicións, onde publicou a súa colección "Debuxos de Galicia", serie de carpetas con 10 a 14 láminas completadas cun estudo de cada elemento debuxado da cultura e arte galegas e, en ocasións, portuguesas. Os distintos cadernos están dedicados a Betanzos (I), ós cruceiros (II), á caza medieval (III), ós músicos do Pórtico da Gloria (IV) e ós cabaleiros medievais (V).

Véxase tamén[editar | editar a fonte]

Bibliografía[editar | editar a fonte]

  • CUNS LOUSA, Julio: Gran Enciclopedia Galega, s. v. Erias Martínez, Alfredo

Ligazóns externas[editar | editar a fonte]

  • Páxina persoal
  • Galegos.info
  • "As laudas sepulcrais de San Francisco da Coruña I", en Anuario Brigantino 1994, nº 17 [1] e II, en Anuario Brigantino 1998, nº 21 [2]
  • "La eterna caza del jabalí", en Anuario Brigantino 1999, nº 22 [3]
  • "O calendario medieval da igrexa de Santa María do Azougue: un achegamento ás súas imaxes", en Anuario Brigantino 2004, nº 27 [4]