Alfonso Aragón Bermúdez

Na Galipedia, a Wikipedia en galego.
Saltar ata a navegación Saltar á procura
Alfonso Aragón Bermúdez
Nome completoAlfonso Aragón Bermúdez
Alcume/outrosFofó
Nacemento8 de febreiro de 1923
LugarMadrid, España España
Falecemento22 de xuño de 1976 (53 anos)
LugarMadrid, España España
CausaHepatite
NacionalidadeEspaña
Cónxuxe(s)Juana Sac
FillosRocío, Alfonso, Adolfo e Rodolfo
ProfesiónPallaso
editar datos en Wikidata ]

Alfonso Aragón Bermúdez, nado en Madrid o 8 de febreiro de 1923 e finado na mesma cidade o 22 de xuño de 1976), coñecido como Fofó, foi un pallaso español, membro dos soados Os pallasos da tele.

Biografía[editar | editar a fonte]

Naceu no Puente de Vallecas, no seo dunha familia de tradición circense. Era fillo de Emilio Aragón Foureaux, coñecido como Emig e sobriño de Pompoff e Thedy. Cando era moi novo, uniuse aos seus irmáns Gabriel e Emilio para formar o trío Gaby, Fofó e Miliki. Comezaron a traballar como trío durante a década de 1930 e mantivéronse durante varias tempadas no Circo Price de Madrid.[1]

En 1946, trala morte do seu pai, Fofó e os seus irmáns abandonaron España e tras unha estancia en México, recalaron en Cuba (onde nacerían os seus fillos, Fofito e Rody, e onde debutarían na televisión). Nos anos seguintes, o seu espectáculo televisivo alcanzou un éxito considerable, e traballaron en distintos países de América: Porto Rico, Estados Unidos, Venezuela, e Arxentina, entre outros.

Fofó e os seus irmáns regresaron a España en 1972, e ao ano seguinte puxeron en marcha o famoso programa El Gran Circo de TVE. Fixéronse cromos, xoguetes, chaveiros e ata cómics cos irmáns Aragón.

En pleno éxito, o 22 de xuño de 1976, Fofó morreu por mor dunha hepatite.[2] A súa morte supuxo unha auténtica conmoción no país, polo querido do personaxe e o inesperado da noticia.

En 1999 reeditáronse as súas cancións no disco Homenaje a Fofó: Había una vez, que tivo a súa continuación o ano seguinte con A todos los niños del mundo.

Homenaxes[editar | editar a fonte]

En Madrid bautizouse unha rúa co seu nome e levantouse unha estatua na súa memoria no Parque de Atraccións.[2] En Murcia tamén se construíu un parque no seu honor, dándolle o seu nome.

En Elx erixiuse unha estatua a Fofó, rodeado de nenos, nun dos puntos máis representativos do Palmeiral de Elx: xunto ao estanque dos patos no Parque Municipal.

No parque infantil de Albox (Almería) existe un pequeno monumento cun busto de Fofó.

O 28 de maio de 1998, Correos emitiu un selo coa súa imaxe, cun valor facial de 70 pesetas.[3]

Notas[editar | editar a fonte]