O alfinete[1] (Centranthus ruber) é unha planta perenne da familia das valerianáceas. Nativa da zona mediterránea, introduciuse en moitas zonas do mundo como planta de xardín pola beleza das súas flores. Medra sobre todo nos valados. As follas verde-grisallas teñen entre 5 e 8cm de longo. Produce moitas pequenas flores aromáticas, de non máis de 2cm cada unha, de cor rosa, vermella ou branca. Emprégase tamén como planta medicinal. Tamén recibe os nomes de alfinetes, valeriana vermella e valeriana roxa[2]. Aínda que é da mesma familia, non pertence ao xénero Valeriana.
↑Diccionario das ciencias da natureza e da saúde (A-C) A Coruña, Deputación da Coruña, 2000 e "Botánica" en Vocabulario de ciencias naturais. Santiago de Compostela, Xunta, 1991
