Alexis de Thuris

Na Galipedia, a Wikipedia en galego.
Saltar ata a navegación Saltar á procura
Alexis de Thuris
Nacemento372 a. C.
 Thurii
Falecemento270 a. C.
 Atenas
NacionalidadeAntiga Atenas
EtniaGregos
Ocupacióncomediógrafo e poeta
editar datos en Wikidata ]

Alexis (grego antigo, Ἄλεξις), nado ca. -375 e finado en -275, foi un comediógrafo nado en Thuris na Magna Grecia pero que viviu desde novo en Atenas, é con Antífanes o máximo representante da comedia media.

Traxectoria[editar | editar a fonte]

É pouco o que se coñece da súa vida, segundo Plutarco viviu 106 anos e morreu na escena mentres o estaban coroando e segundo a Suda escribiu 245 comedias, delas coñecemos 130 títulos pero tan só restan 340 fragmentos das súas obras, totalizando uns 1000 versos. A súa obra seguíase apreciando na época romana, Aulo Xelio informa que a súa poesía se utilizaba nas comedias romanas, mesmo inspirando a Plauto.