Alectoris

Alectoris
	Nome taxon Alectoris ; Johann Jakob Kaup 1829
	Nome taxon Alectoris ; Johann Jakob Kaup 1829
	Instancia de taxon
	Categoría taxonómica xénero
Clasificación taxonómica
Superreino	Holozoa
Reino	Animalia
Filo	Chordata
Clase	Aves
Orde	Galliformes
Familia	Phasianidae
Subfamilia	Perdicinae
Xénero	Alectoris ; Kaup, 1829 Alectoris
Localización
Freebase
Códigos e identificadores
Freebase
Freebase	/m/08m44z
ITIS	175907
OTT	51351
CoL	RP2
EOL	45510640
	Wikidata G:Commons C:Commons

Alectoris é un xénero aves da orde dos galiformes, familia dos fasiánidos e subfamilia dos perdicinos, que se distribúen polo sur de Europa, norte de África, Arabia e Asia ata o Tíbet e o leste da China.

Especies deste xénero foron introducidas en Norteamérica, Nova Zelandia e Hawai.

Características

Son aves non migratorias que habitan montes e lombeiros. Chocan ata 20 ovos nos seus niños e aliméntanse principalmente de sementes e dalgúns insectos.

Taxonomía

Descrición

O xénero foi descrito en 1829 polo naturalista alemán Johann Jakob Kaup.^[1]

Etimoloxía

O nome científico Alectoris deriva do grego antigo ἀλέκτωρ -ορος aléktōr, -oros, 'galo'.^[2]

Especies

Na actualidade, segundo o Sistema Integrado de Información Taxonómica, recoñécense, dentro do xénero as sete especies seguintes:^[1]

Alectoris barbara (Bonnaterre, 1792)
Alectoris chukar (J. E. Gray, 1830)
Alectoris graeca (Meisner, 1804)
Alectoris magna (Prjevalsky, 1876)
Alectoris melanocephala (Ruppell, 1835)
Alectoris philbyi Lowe, 1934
Alectoris rufa (Linnaeus, 1758)

A perdiz común

Das especies mencionadas, a 'perdiz común',^[3] ou 'perdiz rubia',^[4] Alectoris rufa, é a máis codiciada no mundo cinexético pola súa rapidez de vo e dificultade para ser abatida. Considérase a raíña da caza menor polo que foi introducida noutros lugares fóra da súa área de distribución orixinal. Considérase unha especie autóctona da Península Ibérica, aínda que outras subespecies distribúense por outros lugares e illas do continente europeo.

A perdiz común mide uns 34 cm de lonxitude. Posúe plumas pardovermellas coa gorxa branca e franxas escuras na parte superior do peito. As patas e o peteiro son vermellos. Viven en lugares rochosos, terreos secos e monte baixo de España, Portugal, Francia, sur do Reino Unido, Illas Baleares, Córsega e nalgúns lugares de Italia.

A alteración do seu hábitat pola construción de infraestruturas e actividades humanas, a presión cinexética excesiva e incontrolada e a alteración xenética pola mestura de especies entre as poboacións silvestres con perdices de granxa máis "mansas", convertérona nunha especie vulnerable.

Dentro esta especie recoñecense as seguintes subespecies:

A. rufa hispánica (noroeste peninsular)
A. r. intercedens (leste e sur peninsular)
A. r. australis (Canarias)
A. r. laubmani (Baleares)
A. r. rufa (Francia)
A. r. madereinsis (Madeira)
A. r. corsa (Córsega)

Notas

1 2 Alectoris Kaup, 1829 no ITIS.
↑ Alectoris no Merriam-Webster Unabiged Dictionary.
↑ perdiz no Dicionario da RAG.
↑ Penas Patiño, Xose M., Carlos Pedreira López e Calros Silvar (1991): Guía das aves de Galicia. A Coruña: Bahia Edicións. ISBN 84-8767-406-2.

Véxase tamén

Bibliografía

Madge, Steve; McGowan, Philip J. K. & Kirwan, Guy M. (2002): Pheasants, partidges and grouse: a guide to the pheasants, partridges, quails, grouse, guineafowl, buttonquails and sandgrouse of the world. Londres: Christopher Helm. ISBN 0-7136-3966-0.

Outros artigos

Ligazóns externas

Alectoris na ADW.
Alectoris, en Pheasants, partridges, francolins. Na IOC World Bird List (version 8.2, 2019. (Lista de aves do mundo, do Congreso Ornitolóxico Internacional).

[I-1] 1 2 Alectoris Kaup, 1829 no ITIS.

[2] Alectoris no Merriam-Webster Unabiged Dictionary.

[3] rdiz no Dicionario da RAG.

[4] Penas Patiño, Xose M., Carlos Pedreira López e Calros Silvar (1991): Guía das aves de Galicia. A Coruña: Bahia Edicións. ISBN 84-8767-406-2.

[1]

[2]

[3]

[4]