Alcalde de Lugo
Alcalde de Lugo  Alcaldesa de Lugo | |||||||
|---|---|---|---|---|---|---|---|
| |||||||
| |||||||
| |||||||
| |||||||
| Wikidata | |||||||
O alcalde de Lugo é a máxima autoridade política do Concello de Lugo. De acordo coa Lei Orgánica 5/1985, de 19 de xuño, do Réxime Electoral Xeral[1] (actualmente en vigor) o alcalde é elixido pola corporación municipal de concelleiros, que á súa vez son elixidos por sufraxio universal polos cidadáns e cidadás de Lugo con dereito a voto, mediante eleccións municipais celebradas cada catro anos. Na mesma sesión de constitución da corporación procédese á elección do alcalde, podendo ser candidatos todos os concelleiros que encabezan as correspondentes listas. É proclamado electo o candidato que obtén a maioría absoluta dos votos. Se ningún deles obtén esta maioría é proclamado alcalde o concelleiro que encabeza a lista máis votada.
Eleccións municipais de 2023
[editar | editar a fonte]Nas eleccións municipais de 2023 presentáronse as seguintes candidaturas, das que só tres conseguiron representación na corporación.[2] Lara Méndez, do PSdeG-PSOE, foi escollida alaldesa cos votos do seu partido e do BNG.
| Candidatura | Votos | Porcentaxe | Concelleiros | Corporación
anterior |
|---|---|---|---|---|
| Partido Popular (PP) | 21.459 | 43,59% | 12 | 10 |
| Partidos dos Socialistas de Galicia-PSOE (PSdeG-PSOE) | 13.641 | 27,71% | 8 | 8 |
| Bloque Nacionalista Galego (BNG) | 9.810 | 19,93% | 5 | 5 |
| Ciudadanos-Partido de la Ciudadanía (C's) | 1.349 | 2,74% | 0 | 2 |
| Vox (VOX) | 1.141 | 2,32% | 0 | 0 |
| Podemos-Esquerda Unida (PODEMOS-EU-AV) | 713 | 1,45% | 0 | 0 |
| Contamos-Galicia Sempre-Partido Galego (CONTAMOS Ga.S GLG) | 389 | 0,79% | 0 | 0 |
| Unión de Ciudadanos Independientes (UCIN) | 160 | 0,33% | 0 | 0 |
A actual corporación municipal lucense está composta por 25 concelleiros e o alcalde da cidade, dende 2025, é Miguel Fernández Méndez do PSdeG-PSOE. Paula Alvarellos accedeu á alcaldía cando Lara Méndez renunciou á acta de concelleira para se presentar ás eleccións de 2024 ao Parlamento de Galicia.[3] Alvarellos faleceu en mazo de 2025 e foi sucedida na alcaldía polo actual rexidor.
Notas
[editar | editar a fonte]- ↑ "Ley Orgánica 5/1985, de 19 de junio, del Régimen Electoral General" (PDF). boe.es (en castelán). 19 de xuño de 1985. pp. 68–69. Consultado o 21 de agosto de 2020.
- ↑ "Mapa Electoral". infoelectoral.interior.gob.es (en castelán). Arquivado dende o orixinal o 05 de agosto de 2024. Consultado o 20 de agosto de 2024.
- ↑ Redacción (12 de xaneiro de 2024). "Lara Méndez deixa oficialmente a Alcaldía de Lugo: "Marcho orgullosa"". Nós Diario. Consultado o 12 de xaneiro de 2024.