Alcázar dos Reis Cristiáns

Na Galipedia, a Wikipedia en galego.
Saltar ata a navegación Saltar á procura
nome do patrimonio, como indicado no site da UNESCO
Alcázar de los Reyes Cristianos (14149424950).jpg
inserir un texto para rotular a imaxe
Patrimonio da Humanidade - UNESCO
PaísEspaña
LocalizaciónCoordenadas: 37°52′38″N 4°46′55″O / 37.87722, -4.78194
Tipoinditar tipo de ben (cultural, histórico...)
Criterioscriterio usado para o recoñecemento (ver criterios)
Inscriciónano de recoñecemento
Rexión da UNESCOEuropa
Identificadoro número de identificación do patrimonio conforme o site oficial da UNESCO indicar o número de identificación do patrimonio conforme o site oficial da UNESCO

O Alcázar dos Reis Cristiáns, é un edificio de carácter militar ordenado construír polo rei Afonso XI de Castela no ano 1328, sobre construcións anteriores (o Alcázar andalusí, antes residencia do Gobernador Romano e a Aduana, situada nunha das marxes do río Guadalquivir), en Córdoba, España. O conxunto arquitectónico ten un carácter sobrio no seu exterior e espléndido no seu interior, cos magníficos xardíns e patios que manteñen unha inspiración mudéxar.

O Alcázar está declarado Ben de Interese Cultural dende o ano 1931.[1] Forma parte do centro histórico de Córdoba que foi declarado Patrimonio da Humanidade pola Unesco en 1994.[2]

Historia[editar | editar a fonte]

Tras a conquista castelá da cidade, o soar ocupado polo antigo alcázar andalusí foi repartido entre o rei Fernando III, o bispo, algúns nobres e a orde de Calatrava. Foi decidida a súa fortificación entre o ano 1328 e 1329, polo rei castelán Afonso XI, sobre construcións anteriores.

Aloxamento de reis nas súas estancias de Córdoba, os Reis Católicos pasaron máis de oito anos na fortaleza, dirixindo dende a mesma, a campaña contra o Reino de Granada. Nestas mesmas dependencias (Torre da Homenaxe), Cristovo Colón solicitou fondos para a súa aventura marítima no ano 1486, así como viron nacemento uno dos seus fillos, a infanta dona María de Aragón, futura raíña de Portugal.[3]

Tras a campaña de Granada e a finalización das campañas contra os musulmáns en España, os Reis Católicos cederon o inmoble ás autoridades eclesiásticas, as cales o converteron en Tribunal do Santo Oficio, perdendo entón o seu carácter palaciano. En 1812, e tras a abolición por parte das Cortes Constituíntes de Cádiz do Tribunal da Inquisición, converteuse en cárcere civil ata que no ano 1931, destinouse a instalacións militares, os cales o cederon no ano 1955 ao Concello de Córdoba.

Actualmente o Alcázar é sede de diferentes eventos municipais, como a celebración de vodas civís impartidas por diferentes edís cordobeses, así como ser sede e exposición de presentacións varias.

Exterior[editar | editar a fonte]

Torres[editar | editar a fonte]

Atópase rematado por catro torres (Pomba, Leóns, Homenaxe e Inquisición), dando ao edificio unha forma case cadrada.[4]

  • A torre da Homenaxe, de planta octogonal, atópase na esquina nordés. Anteriormente tamén foi coñecida como torre do Reloxo debido a un reloxo que houbo na mesma.[5]
  • A torre dos Leóns, de planta cadrada, atópase na esquina noroeste. Na base desta torre áchase actualmente a porta pola que entran os visitantes. É a torre máis antiga, datando do século XIII.[6] Recibe o seu nome dunhas gárgolas con forma de león que se atopan no seu parte superior.[6][7] No seu interior atopamos dúas plantas; na planta baixa áchase a recepción e na alta está a capela de San Eustaquio, que serviu de capela aos reis católicos.[8]
  • A torre da Inquisición, de planta circular, atópase na esquina suroeste. Recibe o seu nome do feito de que durante séculos almacenace o arquivo do Tribunal da Santa Inquisición.[9] Tamén foi coñecida como torre dos Xardíns.[9]
  • A torre da Pomba, de planta cadrada, atópase na esquina sueste. A torre orixinal foi demolida a mediados do século XIX, sendo a actual unha reconstrución que data da segunda metade do século XX.[10] Tamén foi coñecida como torre da Vela.[10]

Interior[editar | editar a fonte]

Salón dos Mosaicos[editar | editar a fonte]

Salón dos Mosaicos.
Patio mourisco.
Sala de recepcións.

A sala principal do edificio, construída no século XVIII, denomínase "Salón dos Mosaicos", xa que nela pódense admirar os impresionantes mosaicos atopados a finais dos anos 50 na Praza da Corredera e que formaban parte do circo romano, así como un sarcófago do século III. Na actualidade trátase dun lugar moi solicitado polos cordobeses para contraer matrimonio civil.[4][11]

No subsolo da actual planta, é posible atopar aínda restos dos que se cren era baños reais utilizados polos altos dignatarios da época musulmá.

Patio mourisco[editar | editar a fonte]

O patio mourisco, tamén coñecido como patio mudéxar, atópase no lado occidental do alcázar. É de planta cadrada e atópase rodeado de galerías arcadas, excepto na súa cara oeste, onde se acha a muralla que conecta a torre dos Leóns coa da Inquisición e a través da cal se pode acceder aos xardíns do alcázar. O patio posúe no seu centro unha fonte con chafariz e dous estanques situados a ambos os dous lados do mesmo.

Patio das mulleres[editar | editar a fonte]

O patio das mulleres, tamén coñecido como patio oriental, atópase no lado oriental do alcázar. Recibe o seu nome da época na cal o alcázar foi utilizado como cárcere, xa que neste patio era onde se atopaba a sección feminina da mesma. Neste patio áchanse restos arqueolóxicos das distintas fases construtivas do alcázar así como dos edificios precedentes, o castellum romano e o alcázar andalusí.[12]

Sala de recepcións[editar | editar a fonte]

A sala de recepcións, tamén coñecida como sala do Océano, é un cuarto de planta cadrada situada xunto ao salón dos mosaicos.[13] Nun dos seus muros áchase incrustado un mosaico romano dedicado ao deus Océano.[13] Tamén se atopan aquí algúns sitiales do antigo coro capitular, que datan do século XVII.[13]

Baños reais de Dona Leonor[editar | editar a fonte]

Foron construídos en 1328 polo rei Afonso XI. Están estruturados en catro salas: sala de vestiario, sala fría, sala tépeda e sala quente.[14] Recibe o seu nome de Leonor de Guzmán, amante do rei en cuxa honra se construíron os baños.[14]

Xardíns do Alcázar[editar | editar a fonte]

A antiga Horta do Alcázar transformouse nunha impresionante superficie de aproximadamente 55.000m² de magníficos xardíns con especies como palmeiras, alciprestes, laranxeiras e limoeiros, que rodean a unhas elegantes fontes e estanques. Os xardíns estrutúranse en tres niveis: o xardín alto, o xardín medio e o xardín baixo.

O paseo dos Reis é un paseo bordeado por unha fila de alciprestes cilíndricos e dividido en dous por dous estreitos estanques. Neste paseo áchanse varias esculturas dos reis que construíron o alcázar, situadas sobre pedestais repartidos entre as sebes.[15]

Notas[editar | editar a fonte]

  1. "Base de datos de bienes inmuebles inscritos en el Registro de Bienes de Interés Cultural (buscar escribiendo "Alcázar Nuevo" en el campo "General")". Ministerio de Cultura de España. Consultado o 31 de xullo de 2011. 
  2. "Historic Centre of Cordoba" (en inglés). UNESCO Culture Sector. Consultado o 9 de febreiro de 2013. 
  3. "Centro histórico de Córdoba: Otros monumentos de Córdoba: Alcázar de los Reyes Cristianos". www.patrimonio-mundial.com. Arquivado dende o orixinal o 04 de xuño de 2009. Consultado o 18 de outubro de 2011. 
  4. 4,0 4,1 "Alcázar de los Reyes Cristianos". Turismo de Córdoba. Consultado o 18 de outubro de 2011. 
  5. "Introducción del Alcázar de los Reyes Cristianos". artencordoba.com. Consultado o 25 de maio de 2014. 
  6. 6,0 6,1 "Córdoba: El Alcázar de los Reyes Cristianos". unaventanadesdemadrid.com. Consultado o 25 de maio de 2014. 
  7. "Torre de los Leones". alcazardelosreyescristianos.cordoba.es. Consultado o 25 de maio de 2014. 
  8. "Audiodescripción de la Torre de los Leones". alcazardelosreyescristianos.cordoba.es. Consultado o 25 de maio de 2014. 
  9. 9,0 9,1 "Torre de la Inquisición". alcazardelosreyescristianos.cordoba.es. Consultado o 25 de maio de 2014. 
  10. 10,0 10,1 "Torre de la Paloma". alcazardelosreyescristianos.cordoba.es. Consultado o 25 de maio de 2014. 
  11. "El Salón de los Mosaicos". artencordoba.com. Consultado o 18 de outubro de 2011. 
  12. "Patio de las mujeres". alcazardelosreyescristianos.cordoba.es. Consultado o 25 de maio de 2014. 
  13. 13,0 13,1 13,2 "Audiodescripción de Sala de recepciones". alcazardelosreyescristianos.cordoba.es. Consultado o 25 de maio de 2014. 
  14. 14,0 14,1 "Audiodescripción de Los Baños reales de Doña Leonor". alcazardelosreyescristianos.cordoba.es. Consultado o 25 de maio de 2014. 
  15. "Paseo de los Reyes". alcazardelosreyescristianos.cordoba.es. Consultado o 26 de maio de 2014. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]