Alan III da Bretaña

Na Galipedia, a Wikipedia en galego.
Saltar ata a navegación Saltar á procura
Alan III da Bretaña
Duque da Bretaña
Alan III of Brittany (icon).jpg

Reinado1008 - 1040
Outros títulosConde de Rennes
Nacemento997
?
Falecemento1 de outubro de 1040
Vimoutiers, Ducado de Normandía
PredecesorGodofredo
SucesorConan II
ConsorteBerta de Blois
DescendenciaHavoisa
Casa realCasa de Normandía
ProxenitoresGodofredo
Havoisa de Normandía

Alan, ou Alano III de Rennes, nado en 997 e finado o 1 de outubro de 1040, foi un nobre normando que foi conde de Rennes e duque da Bretaña entre 1008 e 1040.

Traxectoria[editar | editar a fonte]

Primeiros anos[editar | editar a fonte]

Alan era fillo do duque Godofredo I e da súa esposa Havoisa de Normandía,[1]

Sucedeu ao seu pai en 1008,[2] porén, tendo en conta de que era menor de idade, a súa nai exerceu a rexencia,[3] mentres que o seu irmán Ricardo II de Normandía asumiu a tutela do ducado da Bretaña.[4]

En 1010 unha gran rebelión campesiña, que se estendeu desde o ducado de Normandía ao da Bretaña, puxo en serio risco a rexencia de Havoisa, que animou ao seu fillo para que levara aos nobres a esmagar a rebelión.[5]

Conflito con Roberto I de Normandía[editar | editar a fonte]

Véxase tamén: Roberto I de Normandía.

En agosto de 1027, cando Roberto I de Normandía tomou o poder no seu país, ao parecer Alan, primo seu, aproveitou a conmoción resultante para sacar a Bretaña da soberanía normanda.[4] A principios da década de 1030, Roberto atacou con éxito a cidade de Dol e Alan, en resposta, invadiu o Avranchin, ataque que foi rexeitado, pero que non foi o último, xa que continuaron as incursións dun e doutro lado.[6]

Despois de que Roberto levara a cabo unha invasión por terra e por mar, Roberto de Évreux, arcebispo de Ruán e tío de ambos os dous primos conseguiu unha tregua entre os seus dous sobriños, en Le Mont-Saint-Michel, onde Alan xurou fidelidade a Roberto.[7] Cando este partiu cara a Terra Santa (principios de 1035), designou ao seu primo Alan como un dos gardiáns de seu fillo Guillerme[8]

Últimos anos[editar | editar a fonte]

En 1037, á morte do arcebispo de Ruán, Roberto, o goberno de Normandía quedou en mans de Alan e o seu primo Xilberto de Brionne,[9] que designaron para a sede vacante ao arcebispo Mauger de Ruan, tratando de gañar o apoio deste para o duque Guillerme.[9]

O 1 de outubro de 1040, mentres asediaba un castelo rebelde en Vimoutiers, Ducado de Normandía, Alan morreu de repente.[9] Segudo Orderico Vita, foi envelenado por normandos.[10] Non moito despois, Xilberto de Brionne tamén foi asasinado mentres cabalgaba cuns amigos.[9]

Familia[editar | editar a fonte]

En 1018 Alan casou con Berta de Blois, de quen tivo dous fillos:[1]

  • Conan II, duque da Bretaña
  • Havoisa, duquesa da Bretaña.

Despois do 14 de maio de 1046, a súa viúva casou en segundas nupcias con Hugo IV de Maine.[1]

Notas[editar | editar a fonte]

  1. 1,0 1,1 1,2 Schwennicke, Tabla 75.
  2. Piette, p. 38.
  3. The Gesta Normannorum Ducum, pp. 14-15.
  4. 4,0 4,1 Neveux, p. 108.
  5. Palgrave, pp. 168-169.
  6. Crouch, p. 50.
  7. The Gesta Normannorum Ducum, p. 78-79.
  8. Orderico Vital, p. 161.
  9. 9,0 9,1 9,2 9,3 Crouch, p. 61.
  10. Orderico Vital, p. 74.

Véxase tamén[editar | editar a fonte]

Bibliografía[editar | editar a fonte]

  • Crouch, David. The Normans. Hambledon Continuum, Nova York, 2007.
  • Orderico Vital. The Ecclesiastical History of England and Normandy, Trans. Thomas Forester, Vol. II. Henry G. Bohn, Londres, 1854.
  • Palgrave, Francis. The History of Normandy and England, Vol. III. Macmillan & Co. Londres, 1864.
  • Piette, Gwenno. A concise History of Brittany. University of Wales Press, Cardiff, 2008.
  • Schwennicke, Detlev. Europäische Stammtafeln: Stammtafeln zur Geschichte der Europäischen Staaten, Neue Folge, Band II. Verlag von J. A. Stargardt, Marburgo, 1984.
  • The Gesta Normannorum Ducum of William of Jumieges, Orderic Vitalis, and Robert of Torigni, Vol. II. Ed. e trad. Elisabeth M. C. Van Houts. The Clarendon Press, Oxford e Nova York, 1995).
Predecesor:
Godofredo I
Duque da Bretaña
10081040
Sucesor:
Conan II