AgustaWestland AW109

AgustaWestland AW109
Instancia de familia de aeronaves  Subclase de helicóptero utilitario
Implicados  Operador/a Bangladesh Benín Forza Aérea de Suráfrica Exército da Itália (pt) Australia Forza Aérea de Albania Arxentina Bélxica זרוע האוויר של צבא ארגנטינה  Desenvolvedor/a AgustaWestland
Características
Fabricante Leonardo AgustaWestland
Total producido 636
Identificador militar H-109 EC-1 Hkp 15
Dimensións Altura 6,62 m Lonxitude 13,05 m Diámetro 11 m Altitude operacional 4.575 m
Datas  Entrada en servizo 1976  Primeiro voo 4 de agosto de 1971
Localización  País de orixe Italia
Identificadores Freebase /m/02jzh_
Fontes e ligazóns  Descrito pola fonte The International Directory of Military Aircraft 1996/97 (en) The International Directory of Civil Aircraft 2003/2004 (en) Jane's World Aircraft Recognition Handbook, Fourth Edition (en)
Wikidata G:Commons C:Commons

O AgustaWestland AW109, orixinalmente Agusta A109, é un helicóptero bimotor lixeiro multipropósito de oito asentos fabricado polo construtor italiano Leonardo S.p.A. (anteriormente AgustaWestland, fusionada coa nova Finmeccanica dende 2016). Foi o primeiro helicóptero totalmente italiano en ser producido en masa.

Desenvolvido como o A109 por Agusta a partir de finais dos anos 60, entrou en servizo orixinalmente en 1976 e dende entón foi usado en distintos roles, como transporte lixeiro, evacuación médica, busca e rescate, e roles militares. O AW109 leva fabricándose 40 anos. O AgustaWestland AW119 é un derivado da serie AW109 sendo as súas principais diferenzas que ten un único motor e un tren de aterraxe fixo.

Tras a fusión de Agusta e a compañía británica Westland Helicopters para formar AgustaWestland, o A109 foi rebautizado AW109. Tamén se perseguiu a implicación internacional no programa; a empresa estableceu liñas de montaxe final en sitios tanto de Italia como dos Estados Unidos. Ademais, centos de fuselaxes do AW109 foron fabricados pola contstrutora polaca PZL-Świdnik dende mediados dos 90. AgustaWestland formou unha asociación con Changhe Aircraft Industries Corporation en 2004 que fabrica e dá apoio ao AW109, e que inclue unha liña de montaxe na China.