Agustín Vega

Agustín Vega

Biografía
Nacemento	10 de marzo de 1954 (70 anos) provincia de León, España
Datos persoais
País de nacionalidade	España
Actividade
Ocupación	político
Lingua	Lingua castelá

Agustín Vega Fuente, nado en Nogarejas (León) o 10 de marzo de 1954, é un sindicalista e político galego.

Traxectoria

Camareiro nunha cafetería, afiliouse á UXT, e en 1978 fíxose cargo da secretaría xeral dese sindicato na provincia de Ourense, cargo que ocupou ata 1988. Nese ano abandona o traballo interno sindical para saltar á area política, ao entrar como concelleiro suplente no pleno municipal de Ourense, en representación do PSdeG-PSOE, no goberno de Manuel Veiga Pombo. Tamén accede conseguintemente ao cargo de deputado provincial. Nas eleccións xerais de 1989 encabezou a candidatura ao Senado do socialistas pola provincia de Ourense, e saíu elixido.

Nas eleccións locais de 1991 mudou o concello de Ourense polo de Amoeiro, por onde saíu elixido concelleiro, pero onde non conseguiu a alcaldía. Ao deixar o Senado concorreu ás eleccións ao Parlamento de Galicia 1993, onde foi elixido parlamentario pola provincia de Ourense, sempre en representación do PSdeG-PSOE. En 1995 deixa a concellería en Amoeiro e en 1997 tamén o escano no Hórreo. En 1995 foi condenado a un ano de cárcere por un delito de falsidade ao asinar os resultados dunhas eleccións sindicais en 1982, logo do caso pasar por distintos tribunais dado a súa condición de aforado.

Apartado durante anos da vida política, en 2011 presentouse ás eleccións locais ao concello de Ourense encabezando a candidatura de UPyD, pero non saíu elixido concelleiro. Ten unha granxa en Amoeiro onde se dedica á produción de caracol. Neste municipio presentouse nas municipais de 2019 como cabeza de lista de Espazo Común, logrando un concelleiro. Volvería a ser elixido concelleiro por Espazo Común tralas municipais de 2023.

Véxase tamén

Outros artigos

• Lista de senadores galegos desde a Transición