Agrius convolvuli

Na Galipedia, a Wikipedia en galego.

Agrius convolvuli

Agrius convolvuli


Clasificación científica
Reino: Animalia
Filo: Arthropoda
Clase: Insecta
Orde: Lepidoptera
Familia: Sphingidae
Xénero: 'Agrius'
Especie: ''A. convolvuli''
Nome binomial
'Agrius convolvuli'
(Linnaeus, 1758)
Mapa de distribución:      Durante todo o ano      Posible distribución estacional
Mapa de distribución:      Durante todo o ano      Posible distribución estacional

Mapa de distribución:      Durante todo o ano      Posible distribución estacional
Sinonimia
  • Sphinx convolvuli Linnaeus, 1758
  • Protoparce orientalis Butler, 1876

A Agrius convolvuli é unha bolboreta nocturna da familia Sphingidae. Atópase en Europa, África, Asia e Australia, especialmente nas zonas meridionais do continente.[1] É unha especie migratoria que pode atoparse en Galicia.[2]

Descrición[editar | editar a fonte]

A envergadura das súas ás vai dende 80 a 105 mm., a coloración básica é en tons agrisados, pero o abdome ten unha ampla franxa dorsal gris e rosa e bandas negras con bordos brancos nos lados. AS ás posteriores son de cor gris claro con amplas liñas escuras cruzadas. Ten un corpo firme e poderoso.[3] A súa cor básica é agrisada, cun debuxo máis escuro no corpo e nas ás. O abdome ten dúas filas de manchas regulares a cada banda en cores moi delicadamente marcadas, rosa, branca e negra. Pero estas manchas non son visibles cando o animal se atopa en posición de repouso. Entón pode camuflarse perfectamente sobre a cortiza dunha árbore ou nun muro de pedra.[4]

Reprodución[editar | editar a fonte]

A femia pon os ovos nas follas do xénero Convolvulus, de aquí o seu nome latino Agrius convolvuli.

As eirugas son de coloración moi variada, marrón, branca e verde. Como as eirugas doutras esfinxes, son relativamente grandes e teñen un apéndice similar a un corno na zona caudal.[5] Comen as follas de diferentes especies de varias familias: Araceae, Convolvulaceae, Leguminosae e Malvaceae.[6]

Galería de imaxes[editar | editar a fonte]

Notas[editar | editar a fonte]

  1. Agrius convolvuli - Ciclo vital completo. (en inglés)
  2. Catálogo de los Sphingidae(Lepidoptera) de Galicia(en castelán)
  3. Agrius convolvuli Arquivado 12 de outubro de 2016 en Wayback Machine. (en inglés)
  4. African Moths - Agrius convulvuli Arquivado 01 de agosto de 2021 en Wayback Machine. (en inglés)
  5. "Convolvulus hawkmoth". Sphingidae of the Eastern Palaearctic species list. Consultado o 6 de xullo de 2016. 
  6. Michael Chinery, Collins Guide to the Insects of Great Britain and Western Europe