Agathis

Na Galipedia, a Wikipedia en galego.
xénero Agathis
Ilustración de Agathis dammara
Ilustración de Agathis dammara
Clasificación científica
Reino: Plantae
División: Pinophyta
Clase: Pinopsida
Orde: Pinales
Familia: Araucariaceae
Xénero: Agathis
Salisb.
Especies

Véxase no texto.

O xénero Agathis, comunmente coñecido como kauri, piñeiro kaurí ou damar, componse dun grupo relativamente pequeno de vinte e unha especies de árbores de folla perenne na familia Araucariaceae. Caracterízanse por teren un toro grande e poucas ou ningunha póla en parte do toro. As árbores novas teñen unha forma cónica e soamente na madureza adquiren unha copa máis arredondada e unha aparencia irregular.

Descrición[editar | editar a fonte]

A casca é xeralmente lixeira e de cor cinsenta acastañada ou agrisada lisa, con escamas irregulares que adquiren densidade nas árbores máis maduras. Aínda que a estrutura da póla adoita ser horizontal, estas poden adquirir sentido ascendente coa madureza. As pólas da parte máis baixa presentan cicatrices circulares, estas marcas fórmanse cando caen as pólas mortas das partes más altas.

As follas novas son máis grandes que na idade adulta en todas as especies, e máis ou menos agudas, variando segundo a especie de ovadas a lanceoladas. As follas do adulto están enfronte, elípticas lineares, moi coriáceas e dispostas densamente. As follas novas son a miúdo cobrizo-avermelladas, cun marcado contraste coa follaxe xeralmente verde ou verde-abrancazada da estación anterior.

Os conos macho de pole aparecen xeralmente só nas árbores máis grandes, despois de que as sementes dos conos teñan aparecido. Os conos femia da semente. desenvólvense xeralmente nas franzas laterais máis curtas, madurecéndose logo de dous anos. Con formas normalmente ovais ou globulares.

Casca de Agathis robusta no Real Xardín Botánico de Melbourne (as follas pertencen a outra planta).

As árbores son a fonte da Goma Damar.

Taxonomía[editar | editar a fonte]

O xénero foi descrito por Richard Anthony Salisbury e publicado en Transactions of the Linnean Society of London 8: 311. 1807.[1]

Especies do xénero Agathis[editar | editar a fonte]

Te Matua Ngahere, un A. australis no Bosque de Waipoua, é a segunda árbore por tamaño de Nova Zelandia. A árbore máis grande, Tāne Mahuta, fica preto.

Usos[editar | editar a fonte]

Varias especies de kauri dan diversas resinas tales como a kauri copa e Manilla copal, ademais de madeira, que é de textura recta e granulosa e dunha calidade óptima.

A madeira úsase normalmente na manufactura de guitarras. Tamén se utiliza nos taboleiros de xogo (goban).

Notas[editar | editar a fonte]

  1. "Agathis". Tropicos.org. Missouri Botanical Garden. Consultado o 24 de xullo de 2014. 

Véxase tamén[editar | editar a fonte]

Outros artigos[editar | editar a fonte]

Bibliografía[editar | editar a fonte]

  1. Bailey, L.H. & E.Z. Bailey. 1976. Hortus Third i–xiv, 1–1290. MacMillan, New York.
  2. Christenhusz, M. J. M., J. L. Reveal, A. K. Farjon, M. F. Gardner, R. R. Mill & M. W. Chase. 2011. A new classification and linear sequence of extant gymnosperms. Phytotaxa 19: 55–70.

Ligazóns exterans[editar | editar a fonte]