O aeroporto de Erfurt-Weimar (IATA: ERF, ICAO: EDDE) é un aeroporto que serve a Erfurt, a capital do estado alemán de Turinxia, e á cidade próxima de Weimar, que forman a meirande parte da área metropolitana central do estado. O aeroporto sitúase a 5km ao oeste do centro de Erfurt e opera principalmente voos chárter estacionais a destinos turísticos europeos.
A senu nome foi aeroporto de Erfurt ata o ano 2011, engadíndose a denominación de Weimar xa que se pensou que sería bo a nivel promocional debido á súa importancia histórica.
A pesar da súa importancia como capital do estado e a súa situación céntrica dentro de Alemaña, o aeroporto non conta con voos domésticos. A única ruta interna que tiña cara ao aeroporto de Múnic, ofrecida por Cirrus Airlines, cesou en marzo de 2012.[1] Porén, a cidade converteuse nun dos principais centros de conexión ferroviario de longa distancia do país en 2017, cando no mes de xuño inaugurouse a liña de alta velocidade entre Múnic e Berlín e que se une á liña entre Frankfurt e Dresde na estación de Erfurt.[2] Como resultado, é posible chegar a Frankfurt, Berlín e Múnic en dúas hora, facendo innecesarios os voos domésticos.[3]
