O aeroporto de Akwa Ibom(IATA: QUO,OACI: DNAI) é un aeroporto nixeriano que serve a Uyo, a capital do estado de Akwa Ibom. Está situado a 24 quilómetros ao sueste de Uyo e a 16 ao noroeste do porto fluvial de Oron.
A primeira fase da súa construción comezou en 2006 e rematouse en 2009. O aeroporto inaugurouse o día 23 de setembro dese ano e o seu primeiro voo regular de pasaxeiros foi o 2 de decembro, cando Arik Air comezou a ofrecer voos a Abuja e Lagos. A segunda fase de construción iniciouse en 2012 e inclúe a finalización de instalacións de mantemento, reparación e revisión, a construción dunha terminal internacional e de pistas de rodaxe adicionais.[1][2]
