Adrià Altimira
| Biografía | |
|---|---|
| Nacemento | 28 de marzo de 2001  (25 anos)Cardedeu |
| Altura | 1,7 m |
| Actividade | |
| Ocupación | futbolista |
| Nacionalidade deportiva | España |
| Deporte | fútbol |
 | |
Adrià Altimira Reynaldos, tamén coñecido como Alti, nado en Cardedeu o 28 de marzo de 2001, é un futbolista español que xoga como lateral dereito ou extremo dereito no Deportivo da Coruña, da Segunda División.
Traxectoria
[editar | editar a fonte]Nado en Cardedeu, comezou a xogar ao fútbol no Granollers, ata que ingresou na canteira do FC Barcelona con 7 anos.[1] En agosto de 2020, rematada a súa etapa xuvenil, fichou polo Lokomotiva de Zagreb,[2] pero rescindiu o seu contrato pouco despois e en outubro fichou polo Melilla da Segunda División B.[3]
Debutou na categoría de bronce o 1 de novembro de 2020, xogando os últimos 30 minutos nunha vitoria por 1-0 sobre o Villanovense.
O 1 de xullo de 2021 pasou ao Andorra, na nova Primeira División RFEF. Disputou un total de 29 partidos durante a campaña, conseguindo o club o seu primeiro ascenso á Segunda División. Debutou en Segunda o 15 de agosto de 2022, saíndo como titular nunha vitoria por 1-0 contra o Real Oviedo.[4] Marcou o seu primeiro gol na categoría cinco días despois, nunha derrota por 4-1 ante o Sporting de Gijón.
O 14 de xuño de 2023, tras rexeitar a oferta de renovación do Andorra, fichou polo Villarreal B, tamén de Segunda.[5] O 22 de outubro debutou co primeiro equipo do Villarreal na Primeira División, substituíndo a Aïssa Mandi nun encontro ante o Deportivo Alavés no estadio da Cerámica. Pechou a tempada cun total de 27 partidos co filial e 11 co primeiro equipo, co que chegou a disputar catro encontros de Europa League.
Para a tempada 2024/25 foi cedido ao Leganés, que viña de ascender a Primeira.[6]
O 29 de decembro de 2025, rescindiu o seu contrato co Villarreal e ao día seguinte incorporouse ao Deportivo da Coruña, da Segunda División.[7]
Vida persoal
[editar | editar a fonte]O seu tío Aureli e o seu curmán Sergi tamén foron futbolistas, sendo ambos xogadores da canteira do Barcelona.[8]
Estatísticas
[editar | editar a fonte]| Club | Tempada | División | Liga | Copa do Rei | Europa League | Outros[a 1] | Total | |||||
|---|---|---|---|---|---|---|---|---|---|---|---|---|
| Partidos | Goles | Partidos | Goles | Partidos | Goles | Partidos | Goles | Partidos | Goles | |||
| Melilla | 2020/21 | Segunda B | 24 | 1 | - | - | - | - | 2 | 0 | 24 | 1 |
| Andorra | 2021/22 | 1ª RFEF | 26 | 0 | 2 | 0 | - | - | 1 | 0 | 29 | 0 |
| 2022/23 | Segunda | 36 | 1 | 1 | 0 | - | - | - | - | 37 | 1 | |
| Total club | 62 | 1 | 3 | 0 | 0 | 0 | 1 | 0 | 66 | 1 | ||
| Villarreal B | 2023/24 | Segunda | 27 | 0 | - | - | - | - | - | - | 27 | 0 |
| Villarreal | 2023/24 | Primeira | 11 | 0 | 3 | 0 | 4 | 0 | - | - | 18 | 0 |
| Leganés | 2024/25 | Primeira | 22 | 0 | 4 | 1 | - | - | - | - | 26 | 1 |
| Villarreal | 2025/26 | Primeira | 1 | 0 | 3 | 0 | - | - | - | - | 4 | 0 |
| Total club | 12 | 0 | 6 | 0 | 4 | 0 | 0 | 0 | 22 | 0 | ||
| Deportivo da Coruña | 2025/26 | Segunda | 6 | 0 | 1 | 0 | - | - | - | - | 7 | 0 |
| Total carreira | 153 | 2 | 14 | 1 | 4 | 0 | 3 | 0 | 172 | 3 | ||
- ↑ Inclúe partidos de Copa Federación e promoción de ascenso a Segunda División.
Notas
[editar | editar a fonte]- ↑ "Adrià Altimira, forjado en la Masia" (en castelán). 31 de marzo de 2019. Consultado o 6 de xaneiro de 2026.
- ↑ "Adria Altimira novi je igrač Lokomotive" (en croata). Arquivado dende o orixinal o 13 de novembro de 2023. Consultado o 6 de xaneiro de 2026.
- ↑ "Adria Altimira refuerza la banda derecha azulina" (en castelán). 7 de outubro de 2020. Consultado o 6 de xaneiro de 2026.
- ↑ "El Andorra debuta a lo grande" (en castelán). 15 de agosto de 2022. Consultado o 6 de xaneiro de 2026.
- ↑ "Altimira steps aboard the Mini Submarine!" (en inglés). 14 de xuño de 2023. Consultado o 6 de xaneiro de 2026.
- ↑ "Adrià Altimira joins CD Leganés" (en inglés). 21 de agosto de 2024. Consultado o 6 de xaneiro de 2026.
- ↑ "O Dépor reforza o lateral dereito con Adrià Altimira". 30 de decembro de 2025. Consultado o 6 de xaneiro de 2026.
- ↑ "La saga azulgrana continúa" (en castelán). 26 de maio de 2014. Consultado o 6 de xaneiro de 2026.
| Control de autoridades |
|
|---|
