Adam Driver

Na Galipedia, a Wikipedia en galego.
Adam Driver
Star Wars- The Last Jedi Japan Premiere Red Carpet- Adam Driver (27163437599) (cropped).jpg
Nome completoAdam Douglas Driver
Nacemento19 de novembro de 1983
Lugar de nacementoSan Diego, California
NacionalidadeEstados Unidos de América
Alma máterJuilliard School, University of Indianapolis e Mishawaka High School
Ocupaciónactor de teatro, actor de cinema, actor de televisión e actor
CónxuxeJoanne Tucker
PremiosPrêmio Saturno de melhor ator coadjuvante em cinema, vencedores do MTV Movie Award de melhor vilão, Volpi Cup for Best Actor e Independent Spirit Awards
Na rede
IMDB: nm3485845 Allocine: 502681 Rottentomatoes: celebrity/adam_driver Allmovie: p703630 TCM: 11536026 TV.com: people/adam-driver IBDB: 488369
TED: adam_driver Musicbrainz: a5b05509-5cec-427e-a9f9-c25d4f7dffa9 Discogs: 3498677 WikiTree: Driver-1312 Editar o valor em Wikidata
editar datos en Wikidata ]

Adam Douglas Driver, nado o 19 de novembro de 1983, é un actor estadounidense. Durante a súa carreira recibiu numerosos premios, incluíndo a Copa Volpi ó mellor actor, así como nomeamentos ós Premios Tony, ós Premios Óscar, e ós Premios Primetime Emmy.

Driver fixo o seu debut en Broadway con Mrs. Warren's Profession (2010) e despois apareceu en Man and Boy (2011). Acadou certa fama co papel secundario na serie de HBO Girls (2012–2017), polo cal recibiu tres nomeamentos consecutivos ós Premios Primetime Emmy. Driver comezou a súa carreira no cinema en papeis secundarios en Lincoln (2012) de Steven Spielberg, Frances Ha (2012) de Noah Baumbach, Inside Llewyn Davis (2013) dos irmáns Coen e Silence (2016) de Martin Scorsese. Gañou a Copa Volpi ó mellor actor polo seu papel no drama Hungry Hearts (2014) e protagonizou Paterson (2016) de Jim Jarmusch.

Driver conseguiu o recoñecemento internacional pola súa interpretación de Kylo Ren na triloxía secuela (2015–2019) da Guerra das galaxias. En 2019, regresou ó teatro con Burn This, papel polo cal foi nomeado ó Premio Tony ó mellor actor. Conseguiu dous nomeamentos consecutivos ós Premios Óscar; como mellor actor secundario por BlacKkKlansman (2018) de Spike Lee, e como mellor actor por Marriage Story (2019) de Noah Baumbach.[1]

Driver é veterano da Corpo de Marines dos Estados Unidos.[2][3] É fundador de Arts in the Armed Forces, unha organización sen ánimo de lucro que achega programas artísticos de balde para militares en servizo, veteranos, asistentes e as súas familias en todo o mundo.[4]

Notas[editar | editar a fonte]

  1. Buchanan, Kyle. "Adam Driver: 'Acting is not glamorous in its making'". The Irish Times (en inglés). Arquivado dende o orixinal o 13 de xaneiro de 2020. Consultado o 23 de marzo de 2021. 
  2. Brady, Tara (29 de decembro de 2016). "Adam Driver, on Star Wars, Scorsese and stepping up after 9/11". The Irish Times. Arquivado dende o orixinal o 09 de agosto de 2019. Consultado o 16 de xuño de 2018. 
  3. "Adam Driver Talks About His Most Favorite Birthday Gift Ever". W Magazine. 19 de novembro de 2017. Arquivado dende o orixinal o 04 de febreiro de 2018. Consultado o 3 de febreiro de 2018. 
  4. "Arts in the Armed Forces". www.vice.com (en inglés). Consultado o 30 de setembro de 2020. 

Véxase tamén[editar | editar a fonte]

Ligazóns externas[editar | editar a fonte]