Acipenseriformes

Acipenseriformes
Acipenseriformes Lev Semiónovich Berg 1940
Instancia de taxon
Categoría taxonómica orde
Taxon superior Actinopterixios Actinopteri
Subdivisións Acipenseridae Polyodontidae Peipiaosteidae † Chondrosteidae †
Clasificación taxonómica
Reino	Animalia
Filo	Chordata
Subfilo	Vertebrata
Infrafilo	Gnathostomata
Superclase	Osteichthyes
Clase	Actinopterygii
Orde	Acipenseriformes
Identificadores Freebase /m/01jj0j ITIS 161063 OTT 773489
Fontes e ligazóns  Descrito pola fonte Enciclopedia de Otto "Q120645350 "
Wikidata C:Commons

A dos acipenseriformes (Acipenseriformes) é unha orde de peixes óseos, os máis primitivos da clase dos actinopterixios, que inclúe os esturións, os peixes espátula e outras especies extintas.

Características

Presentan un esqueleto en gran parte cartilaxinoso. O corpo, de sección pentagonal, é espido (sen escamas), pero presenta cinco series de placas óseas ou escudos dispostos lonxitudinalmente.

O fociño é alongado (rostrum) e a boca, situada en posición ventral, é pequena e protráctil (pode proxectarse cara ao exterior como unha trompa), e ten poucos dentes ou é desdentada, e fronte a ela hai 4 barbelas dispostas nunha fila horizontal.

As aletas están sustentadas por raios cartilaxinosos; a dorsal e a anal están moi atrasadas, e os primeiros raios das pectorais están fusionados para formaren unha forte espiña; a aleta caudal é heterocerca.

Posúen unha vexiga natatoria gasosa comunicada co intestino, e este posúe válvula espiral.

Adoitan ter gran tamaño (até 6 m e 1 000 kg de peso, aínda que hoxe en día raramente pasan dos 2 ou 3 m) e alcanzar gran lonxevidade (até os 100 anos), no caso do esturión.

Taxonomía

Peixe espátula norteamericano
(Polyodon spathula).

Yanosteus longidorsalis,
un acipenseriforme fósil.

Chondrosteus acipenseroides,
un acipenseriforme fósil.

A clasificación máis recentemente aceptada agrupa aos acipenseriformes en dúas subordes e catro familias, dúas delas con especies viventes e as outras dúas xa extinguidas:

• Suborde Acipenseristomi (Grande e Bemis, 1996): Sen opérculo, coas branquias tapadas polo subopérculo.
  • Superfamilia Acipenseroidei (Grande e Bemis, 1991):
    • Familia Acipenseridae (Bonaparte, 1831) – Esturións.
    • Familia Polyodontidae (Bonaparte, 1838) – Peixes espátula.
  • † Superfamilia Peipiaosteoidei (Grande e Bemis, 1996):
    • † Familia Peipiaosteidae (Liu e Zhou, 1965).
• † Suborde Chondrosteoidei (Grande e Bemis, 1991): Coa boca subterminal; cuns pocos xéneros extinguidos que parecen ser antepasados primitivos dos memembros da outra suborde:
  • † Familia Chondrosteidae (Egerton, 1858)

As especies actuais son unhas 26, a maioría propias de ríos de Rusia, Norteamérica e Asia, aínda que fóra da época da reprodución poden acharse tamén nos océanos cecanos. Algunhas delas son de grande inmportancia económica, mentres que outras foron levadas case até a extinción pola sobrepesca e a contaminación.

Véxase tamén

Bibliografía

• Bauchot, M. K. e Pras, A. (1982): Guía de los peces de mar de España y Europa. Barcelona: Ediciones Omega. ISBN 84-282-0685-6.
• Burton, Maurice & Robert Burton (1984): Encyclopedia of Fish. Saint Louis, EE.UU: BPC Publishing. ISBN 0-7064-0393-2.
• Muus, Bent J.; Jørgen G. Nielsen; Preben Dahlstrøm e Bente O. Nyström (1998): Peces de mar del Atlántico y del Mediterráneo. Barcelona: Ediciones Omega. ISBN 84-282-1161-2.
• Nelson, Joseph S. (2006): Fishes of the World. John Wiley & Sons, Inc. ISBN 0-471-25031-7.
• Wiley, Edward G., en Paxton, J. R. & Eschmeyer, W. N. (eds.) (1988): Encyclopedia of Fishes. San Diego: Academic Press. pp. 76–79. ISBN 0-12-547665-5.

Outros artigos

• Osteíctios
• Peixes

Ligazóns externas

• FishBase
• Taxonomía ITIS
• Taxonomía World Register of Marine Species
• Acipenseriformes en Animal Diversity Web (en inglés). Contén información e numerosas fotografçias.