Acipenséridos

Acipenséridos
	Nome taxon Acipenseridae ; Charles Lucien Bonaparte 1831
	Instancia de taxon; alimentos do mar
	Parte de Aquaponia (pt)
	Categoría taxonómica familia
Características
	Fonte de Q4110865 ; Q4141792
	Subdivisións Acipenserinae Acipenser; Huso; ; Scaphirhynchinae Pseudosaphirhynchus; Scaphirhynchus; ;
Clasificación taxonómica
Superreino	Holozoa
Reino	Animalia
Filo	Chordata
Orde	Acipenseriformes
Familia	Acipenseridae ; Bonaparte, 1831 Acipenseridae
Datas
	Data de comezo hai 70.600.000 anos
Freebase
Códigos e identificadores
Freebase
Freebase	/m/01g7qz
OpenAlex	C2777784394
ITIS	161064
OTT	378907
CoL	5XM
EOL	8302
Fontes e ligazóns
	Descrito pola fonte Enciclopedia Soviética Armenia ; The Domestic Encyclopædia; Or, A Dictionary Of Facts, And Useful Knowledge ; Tema: Domestic Encyclopædia (1802)/Sturgeon (en) ; Encyclopædia Britannica ; Tema: 1911 Encyclopædia Britannica/Sturgeon (en) ; Novo Dicionario Enciclopédico, 1911-1916 ; Tema: Q44711963 ; New International Encyclopedia ; Tema: The New International Encyclopædia/Sturgeon (en)
	Wikidata C:Commons

A dos acipenséridos (Acipenseridae) é unha familia de peixes óseos da clase dos actinopterixios e orde dos acipenseriformes, que está formada por todos os esturións e os seus parentes próximos.^[1]

Desde a máis remota antigüidade estes peixes foron obxecto de activa pesca e dunha verdadeira industria de salgadura, ademais de subministrar unha excelente cola a partir da súa vexiga natatoria.^[2]

Etimoloxía

A palabra esturión é un préstamo do antigo baixo fráncico sturio, do neerlandés steur, comparábel ao alemán Stör, inglés antigo styria e o nórdico antigo styrja.

O nome da familia, Acipenseridae, formouse, como os das outras familias biolóxicas, sobre o nome dun dos seus xéneros, o denominado xénero tipo, coa desinencia do latín científico -idae, propio das familias de animais.

A etimoloxía de Acipenser é incerta; unha simple etimoloxía latina é improbábel debido ao feito da súa terminación en -er.

Porén, o termo podería derivar de acupensum vía acipensis seguida dalgúns reaxustes morfolóxicos, derivado de acus, que significa "agulla", e pensum termo que representaba a cantidade de la que debía tecerse nun día. Acipenser designaría, daquela, o peixe coas barbelas en forma de agulla de calcetar, o que caracteriza ben o rostrum do animal.^[3]

Características

Os acipenséridos teñen as características da súa orde: esqueleto cartilaxinoso, cabeza provista de ósos dérmicos, corpo espido (sen escamas), pero con 5 fileiras lonxitudinais de placas óseas, raios cartilaxinosos nas aletas de cola heterocerca.^[4]

Ademais, as especies da familia caracterízanse por teren catro longas barbelas por diante da boca, a cal non ten dentes nos adultos, é protráctil e está situada en posición ventral.^[4]^[5]

Teñen unha vexiga natatoria moi grande, para manter a flote en auga doce o seu enorme e pesado corpo, con tamaños que poden alcanzar máis de catro metros de longo e case mil quilos de peso.^[4]

Hábitat e bioloxía

Os acipenséridos viven en augas frías ou temperadas, unicamente no hemisferio norte, estando case todas as especies de esturión ameazadas ou en perigo crítico de extinción.^[6] Algunhas especies son anádromas, vivindo no mar onde crecen e remontando os ríos para desovar na época da reprodución, mentres que outras pasan toda a súa vida en augas doces.^[5]

Importancia para ser humano

Os esturións péscanse desde a máis remota antigüidade. Eran moi apreciados polos romanos, e considerados en Francia, durante a Idade Media, como peixes do Rei. A súa carne, sen espiñas, apreciouse desde sempre, pero nos últimos tempos os esturións son capturados (e criados en acuicultura) sobre todo polas súas ovas ou míllaras, coas que se fabrica o auténtico caviar.^[2]

Péscanse con redes, xa que non morden os anzois.^[2] Algunhas especies son de grande importancia económica, mentres que outras están case extinguidas debido á sobrepesca e á contaminación dos ríos onde desovan, polo que algúns encóntranse hoxe protexidos.^[4]^[6]

Taxonomía

A familia dos acipenséridos inclúe os xéneros seguintes:^[5]

Subfamilia Acipenserinae
- Xénero Acipenser
- Xénero Huso
Subfamilia Scaphirhynchinae
- Xénero Pseudosaphirhynchus
- Xénero Scaphirhynchus

Notas

↑ Acipenseridae en SIIT (en inglés)
1 2 3 Bauchot e Pras (1982), p. 92.
↑ Oniga, Renato (2001): "Etimologia e struttura morfologica di Acipenser", en De lingua Latina novae quaestiones. Actas do X Coloquio Internacional de Lingüística Latina. Paris-Sèvres, 19-23 de abril de 1999. Ed. Claude Moussy. Louvain: Peeters. ISBN 2-87723-514-9. Ver en liña
1 2 3 4 Muus, Bent J. et al. (1998), pp. 78-79.
1 2 3 FishBase Acipenseridae.
1 2 Acipenseridae na Lista Vermella da IUCN.

Véxase tamén

Bibliografía

Bauchot, M. K. e Pras, A. (1982): Guía de los peces de mar de España y Europa. Barcelona: Ediciones Omega. ISBN 84-282-0685-6.
Burton, Maurice & Robert Burton (1984): Encyclopedia of Fish. Saint Louis, EE.UU: BPC Publishing. ISBN 0-7064-0393-2.
Muus, Bent J.; Jørgen G. Nielsen; Preben Dahlstrøm e Bente O. Nyström (1998): Peces de mar del Atlántico y del Mediterráneo. Barcelona: Ediciones Omega. ISBN 84-282-1161-2.
Nelson, Joseph S. (2006): Fishes of the World. John Wiley & Sons, Inc. ISBN 0-471-25031-7.
Wiley, Edward G., en Paxton, J. R. & Eschmeyer, W. N. (eds.) (1988): Encyclopedia of Fishes. San Diego: Academic Press. pp. 76–79. ISBN 0-12-547665-5.</ref>

Outros artigos

Ligazóns externas

"Acipenseridae". ARKive. Arquivado dende o orixinal o 23 de xuño de 2013. Consultado o 16 de agosto de 2013. (en inglés) Contén informacións de especies, numerosas fotografías e varios vídeos.

[S-1] Acipenseridae en SIIT (en inglés)

[BP-2] 1 2 3 Bauchot e Pras (1982), p. 92.

[3] Oniga, Renato (2001): "Etimologia e struttura morfologica di Acipenser", en De lingua Latina novae quaestiones. Actas do X Coloquio Internacional de Lingüística Latina. Paris-Sèvres, 19-23 de abril de 1999. Ed. Claude Moussy. Louvain: Peeters. ISBN 2-87723-514-9. Ver en liña

[M-4] 1 2 3 4 Muus, Bent J. et al. (1998), pp. 78-79.

[FB-5] 1 2 3 FishBase Acipenseridae.

[I-6] 1 2 Acipenseridae na Lista Vermella da IUCN.

[1]

[2]

[3]

[4]

[5]

[6]