Aceite de soia

Na Galipedia, a Wikipedia en galego.

O aceite de soia é un aceite vexetal que procede do prensado da soia (Glycine max). Este aceite é abundante en ácidos graxos poliinsaturados.

Produción[editar | editar a fonte]

Os tres maiores produtores de aceite de soia, por orde de produción, son: Brasil, EUA e Arxentina, sendo este último o maior exportador do mundo. O aceite de soia é o de maior produción mundial, superando aos aceites de colza, palma e xirasol.

Características nutricionais[editar | editar a fonte]

O aceite de soia cru resulta frecuentemente máis equilibrado que o de oliva xa que posúe os ácidos graxos esenciais Omega 3 e Omega 6 polo que é un bo complemento para dietas onde abundan carnes vermellas e carbohidratos.

Usos[editar | editar a fonte]

Emprégase fundamentalmente na gastronomía e pódese atopar en salsas para ensaladas e aceites para fritir alimentos. Ao ter na súa composición tantos ácidos poliinsaturados é moi aconsellable gardalo na neveira e consumilo canto antes. Non se aconsella probalo se ten cheiro a rancio.

Nos últimos anos, e a consecuencia do florecemento da industria do biodiésel, estase potenciando o consumo de graxas vexetais, en concreto o aceite de colza, aceite de xirasol, aceite de soia e aceite de palmas.

O aceite de soia caracterízase por posuír moléculas de cadea longa de 13 a 16 enlaces o cal lle outorga, especialmente a partir dos estudos de George Washington Carver, moi boas propiedades para o uso industrial: o biodiesel obtido do aceite de soia obtense con relativa sinxeleza separándoo dun 10% de glicerina; con aceite de soia pódense elaborar, á parte de combustibles, plásticos.

Composición de ácidos graxos[editar | editar a fonte]

Saturados[editar | editar a fonte]
Insaturados[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]