Academia de Ciencias de Estonia

Academia de Ciencias de Estonia
Instancia de academia nacional academia de ciencias  Nome oficial Eesti Teaduste Akadeemia (et) Eesti Nõukogude Sotsialistliku Vabariigi Teaduste Akadeemia (et) Академия наук Эстонской ССР (ru)
Cargo dirixente Presidente da Academia de Ciencias de Estonia
Organizacións  Forma xurídica persoa xurídica de dereito público  Membro de Unión Académica Internacional Consello Científico Internacional InterAcademy Partnership All European Academies e.V.  Afiliación Sociedade da Lingua Materna  Entidades subsidiarias Centro de Literatura Under e Tuglas Observatorio de Tartu
Datas  Fundación / creación 28 de xaneiro de 1938
Recoñecemento  Premios e distincións Orde da Amizade dos Pobos
Localización  Sede Talín  País Estonia Estonia Unión Soviética
Identificadores VIAF 266638969 ISNI 0000000109404982 Freebase /m/03bzypw OpenAlex I172656520
Fontes e ligazóns  Páxina WEB akadeemia.ee  Descrito pola fonte Enciclopedia soviética armenia, volume 1 pp. 212
Wikidata C:Commons

A Academia de Ciencias de Estonia (estoniano: Eesti Teaduste Akadeemia, en latín: Academia Scientiarum Estoniae) é a academia nacional de ciencias de Estonia. Adoita establecerse a súa fundación en 1938 cando se crea a Academia de Ciencias que durou até 1940. En 1946, creouse a Academia de Ciencias da República Socialista Soviética de Estonia, e funcionou de xeito continuado até que, en 1989, recuperou o nome orixinal e continuou como sucesora legal da anterior academia de época soviética.

O seu lema é "Facta non solum verba" (en galego, Accións, non só palabras).

Historia

A Academia pasou por varias etapas.

1938–1940

Aínda que xa anteriormente se quixera establecer unha Academia, non se conseguira pola escaseza de investigadores estonianos de calidade. No entanto, o 12 de xaneiro de 1938, o Goberno da República estableceu un comité interministerial para revisar o proxecto de Lei sobre a Academia de Ciencias de Estonia. Finalmente, foi creada o 28 de xaneiro de 1938 pola Lei sobre a Academia de Ciencias de Estonia (SK VI 1938, 2, 2), que entrou en vigor o 4 de febreiro de 1938. Con motivo da súa fundación, o goberno italiano entregou unha enciclopedia Italiana de 36 volumes.

A Academia era autónoma na organización das súas actividades, e estaba dirixida polo presidente da Academia, que era nomeado polo presidente da República entre os académicos por un período de cinco anos. A Academia estaba dividida nunha sección de humanidades e ciencias naturais. A afiliación da Academia estaba prevista para ter 20 membros activos. A membresía da Academia estaba aberta a cidadáns estonianos que avanzaran na ciencia de forma destacada a través do seu traballo científico e demostrasen a capacidade de organizar o traballo científico. O límite de idade dos membros da Academia era de 70 anos, despois dos cales eran eméritos.

A Academia tiña como misión principal:

"desenvolve e representa a investigación de Estonia desenvolvida a través dos esforzos intelectuais dos seus membros. A misión principal da Academia, como asociación de investigadores, é colaborar, de forma independente e cunha alta profesionalidade académica, para determinar camiños que conduzan ao avance da investigación en Estonia e ao desenvolvemento social e económico do Estado".

A Academia foi liquidada o 17 de xullo de 1940, por unha lei promulgada como decreto do presidente da República do 20 de xullo de 1940. Johannes Semper, o ministro de Educación no goberno de Johannes Varese, xustificou a liquidación dicindo que a Academia "estaba composta demasiado unilateralmente só por aquelas persoas que apoiaban o goberno anterior e as súas actividades". O presidente do comité de liquidación da Academia foi Teodor Lippmaa. En 1941, o reitor da Universidade de Tartu, Edgar Kant, intentou restaurar as actividades da academia, pero non tivo éxito.

1946-1960

O 19 de xaneiro de 1946, en Moscova, fundouse a nova Academia de Ciencias da República Socialista Soviética de Estonia, a partir dun decreto do Consello de Comisarios do Pobo da URSS. En 1953, rematouse o novo edificio dos Institutos da Academia de Ciencias da República Socialista Soviética de Estonia.

1960-1989

Nesta etapa, creáronse 3 departamentos: o de Ciencias Físico-Técnicas e Matemáticas, o de Ciencias Químico-Tecnolóxicas e Biolóxicas e o de Departamento de Ciencias Sociais. Estes Departamentos incluían máide de 20 Institutos de investigación científica; entre eles: o de Economía, o de Química, o de Cibernética, Xeoloxía ou o de Historia.

Obxectivos

Os Estatutos actuais da Academia (adoptados en 2013) establecen: "A Academia de Ciencias de Estonia é unha asociación de científicos destacados e outras persoas creativas, establecida en 1938 pola Lei da Academia de Ciencias de Estonia, cuxa tarefa é desenvolver e representar a ciencia de Estonia, contribuír á implementación de resultados de investigación en interese de Estonia, o pensamento científico e a cultura en Estonia".

Como outras academias nacionais, está formada por un grupo de eminentes científicos cuxo obxectivo declarado é promover a investigación e o desenvolvemento, fomentar a cooperación científica internacional e difundir o coñecemento ao público.

Seccións

A Academia ten catro divisións ou seccións:

• División de Astronomía e Física (en estoniano: Astronoomia ja füüsika osakond)
• División de Informática e Enxeñaría (en estoniano: Informatika ja tehnikateaduste osakond) .
• División de Bioloxía, Xeoloxía e Química (en estoniano: Bioloogia, geoloogia ja keemia osakond).
• División de Humanidades e Ciencias Sociais (en estoniano: Humanitaar- ja sotsiaalteaduste osakond).

Membros

En xaneiro de 2018, contaba con 73 membros estonianos e 17 membros estranxeiros. O 9 de outubro de 2024, Mart Saarma foi elixido presidente da Academia de Ciencias de Estonia e o seu mandato de cinco anos comezou o 8 de decembro de 2024.

Localización

O edificio principal da Academia de Ciencias de Estonia está situado no número 6 da rúa Kohtu en Talín. O edificio chamado Ungern-Sternberg foi construído entre 1865 e 1868 segundo planos do arquitecto Martin Gropius.

Premios

A Academia concede varios premios. O premio máis prestixioso é a Medalla da Academia de Ciencias de Estonia que se concede "por servizos destacados no desenvolvemento da ciencia de Estonia ou por axudar a avanzar no seu desenvolvemento, así como polos servizos no desempeño de tarefas da Academia de Ciencias de Estonia".

Véxase tamén

Bibliografía

• Pau Pedrón, Antonio (2010). "Las Academias europeas y su régimen jurídico". Anales de la Real Academia de jurisprudencia y legislación (40): 159–192. ISBN 978-84-9982-041-5. ISSN 0210-296X.