Abraham Pedro I Arçiwean

Na Galipedia, a Wikipedia en galego.
Saltar para a navegação Saltar para a pesquisa
Abraham Pedro I Arçiwean
Patriarca da Igrexa Católica Armenia
Biografía
Nacemento 1679 en Aintab, Turquía
Pasamento 1 de outubro de 1749 en Monte Líbano
Ordes
Consagración episcopal 1710, por Lucas I, catholicos de Cilicia
Elixido patriarca 26 de novembro de 1740
Catholicos-Patriarca de Cilicia
1740 - 1749
Sucesor Xacobe Pedro II Yovsepean
Outros
Ficha en catholic-hierarchy.org

Abraham Pedro I Arçiwean[1] (en armenio: Աբրահամ Պետրոս Ա. Արծիւեան, Abraham Petros A. Arçiwean (ISO 9985)), nado en Aintab en 1674[2] e finado o 1 de outubro de 1749, foi o 1º Patriarca de Cilicia da Igrexa Católica Armenia dende o 26 de novembro de 1740 até o seu pasamento.[3]

Traxectoria[editar | editar a fonte]

Naceu o 12 de abril de 1674 en Aintab, hoxe chamada Gaziantep, en Turquía. Logo de ser ordenado sacerdote comezou o seu ministerio en Cilicia. Co apoio do coadxutor Pedro II de Alepo, favorable á unión con Roma, foi elixido bispo de Alepo en 1710,[4] e foi consagrado bispo polo Catholicos de Cilicia Lucas I.

En 1714 foi condenado a galeras por propagar a idea da unión con Roma. Logo de ser liberado, estivo na cadea na illa de Rouaud entre 1719 e 1721, cando foi novamente liberado coa condición de non volver a Alepo. Marchou ao Líbano, onde consagrou a tres bispos en comuñón coa Santa Sé, e logo da morte de Lucas I, o 26 de novembro de 1740[5] foi elixido catholicos de Cilicia, mais a súa elección foi resistida por unha grande parte do clero armenio, que elixiu como catholicos a Miguel I.[5]

Abraham I viaxou a Roma, onde o papa Bieito XIV lle concedeu o palio e lle confirmou o título de "Catholicos-Patriarca de Cilicia" en novembro de 1742.[5] Neste momento adoptou como segundo nome "Pedro", tradición mantida até a actualidade.

Finou no Monte Líbano o 1 de outubro de 1749.[5]

Notas[editar | editar a fonte]

  1. O seu apelido tamén aparece como Ardzivian.
  2. Vernier, Donat (1891). "Chapitre XIV: Rétablissement du patriarcat catholique en Arménie". Histoire du Patriarcat arménien catholique (en francés). p. 303. 
  3. Burgess, Michael (1995). Lords temporal and lords spiritual: a chronological checklist of the popes, patriarchs, katholikoi, and independent archbishops and metropolitans of the autocephalus monarchical churches of the Christian East and West. Borgo Press. p. 99. ISBN 9780893703264. 
  4. Vernier, Donat (1891), p. 303.
  5. 5,0 5,1 5,2 5,3 Vernier, Donat (1891), p. 304.

Véxase tamén[editar | editar a fonte]

Bibliografía[editar | editar a fonte]

  • Vernier, Donat (2012). Histoire du Patriarcat arménien catholique (Ed.1891). Hachette Livre. 
  • Uluhogian, Gabriella (1983). "Abraham Petros Ardzivian, primo patriarca armeno-cattolico". Studi e Ricerche sull'Oriente Cristiano 6 (1): 3–17. ISSN 0394-0616. 

Ligazóns externas[editar | editar a fonte]


Dignidades da Igrexa católica
Predecesor:
Lucas I Ajapahean
(non en comuñón coa Santa Sé)
 Catholicos-Patriarca de Cilicia 
1740 - 1749
Sucesor:
Xacobe Pedro II Yovsepean