Abdicación de Xoán Carlos I

Na Galipedia, a Wikipedia en galego.
Intre no que Xoan Carlos I asina a Lei orgánica que vai facer efectiva a súa abdicación

A abdicación do rei Xoan Carlos I de Borbón foi o acto de renuncia como Rei de España en favor do seu sucesor, Filipe VI, que se realizou no Palacio Real de Madrid o 18 de xuño de 2014 pero que entrou en vigor logo da súa publicación como lei orgánica o día seguinte, 19 de xuño, no Boletín Oficial do Estado. Tras a súa abdicación Xoán Carlos I de España continúa a ostentar con carácter honorífico o título de Rei con carácter vitalicio, con tratamento de Maxestade e honras análogas ás establecidas para o herdeiro da Coroa segundo establece o Real decreto 470/2014 do 13 de xuño, porén popularmente o seu título pasou a coñecerse como rei emérito.