Aale Tynni

Aale Tynni
Nome completo	Aale Maria Tynni
Nacemento	3 de outubro de 1913
Lugar de nacemento	Gatchina e Bolshiye Kolpany
Falecemento	21 de outubro de 1997
Lugar de falecemento	Helsinqui
Soterrada	cemiterio de Hietaniemi
Nacionalidade	Finlandia
Alma máter	Universidade de Helsinki
Ocupación	tradutora, poeta, escritora e crítico
Pai	Kaapre Tynni
Cónxuxe	Kauko Pirinen e Martti Haavio
Fillos	Matti Pirinen
Irmáns	Martta Tynni
Premios	Pro Finlandia Medal of the Order of the Lion of Finland e Aleksis Kivi Award
Na rede
[ editar datos en Wikidata ]

Aale Tynni en 1948

Aale Tynni, nada o 3 de outubro de 1913 e finada o 21 de outubro de 1997, foi unha poeta e tradutora finlandesa.

Traxectoria

Aale Tynni naceu nunha pequena aldea ingria filla de Kaapre Tynni, profesor, xornalista e un dos líderes da causa ingria que en 1919 tivo que se refuxiar en Finlandia coa súa familia. Aale estudou literatura na Universidade de Helsinqui pasando ao se licenzar a ensinar lingua finlandesa. Aínda que comezou a escribir xa de nena, o seu primeiro poemario apareceu en 1938 co título de Kynttiläsydän. Durante a segunda guerra mundial traballou axudando ás vítimas de bombardeos e en 1940 casou co historiador Kauko Pirinen e seguiu publicando poesía, onde reflicte os sentimentos da maternidade, Lähde ja matkamies (1943), Lehtimaja (1946), Soiva metsä (1947). En 1960 divorciou e casou co poeta Martti Haavio. Publicou literatura infantil como Kultainen aapinen (1957) pero sobre todo Tynni é coñecida polas súas traducións de poesía ao finlandés, en especial pola antoloxía Tuhat Laulujen Vuotta (1957) onde traduce poesía europea desde a Idade Media ata a época contemporánea, pero publicou moitos outros libros de tradución: poesía moderna francesa en Tulisen järjen aika (1962), eddas en Eddan sankarirunot (1980) e Eddan jumalrunot (1982), escolma poética de 21 premios nobel Kaksikymmentäyksi Nobel-runoilijaa (1976) e os sonetos de William Shakespeare (1965) e libros de poesía de William Wordsworth e William Butler Yeats.