Ponte, A Veiga
| Ponte | |
|---|---|
 Vista xeral da aldea desde Vilanova | |
| Concello | A Veiga[1] |
| Provincia | Ourense |
| Coordenadas | 42°15′02″N 6°53′37″O / 42.250630555556, -6.8936 |
| Poboación | 27 hab. (2023) |
| Entidades de poboación | 1[1] |
| [ editar datos en Wikidata ] | |
Santa María Madanela de Ponte[2] é unha parroquia do concello da Veiga, na provincia de Ourense. Eclesiasticamente pertence á diocese de Astorga. Segundo o IGE,[3] en 2023 tiña 27 habitantes (17 homes e 10 mulleres). Ten unha soa entidade de poboación.
Características
[editar | editar a fonte]O lugar ten unha estrutura concentrada de estreitas rúas e construcións de pedra con teitos de lousa. Os edificios encostados están imbricados de vivendas, leñeiros e palleiras, nunha continuidade simple e práctica ao mesmo tempo. Das fachadas das casas moitas veces sobresaen os fornos onde os seus veciños antigamente facían o seu propio pan.
A poboación divídese a ámbalas dúas beiras do río Xares. A igrexa está no lado dereito do val e a antiga Casa-Escola está xunto ao río na marxe esquerda.
Ponte viviu no século XX da gandaría, da agricultura de autoconsumo no val do río Xares, e na primeira metade do século XX das explotacións mineiras do volframio.
A pedra en Ponte
[editar | editar a fonte]Encóntranse diversas esculturas á vista ao longo do lugar, aínda que a construción máis rechamante é a Casa dos Baqueiros/Vaqueiros[4] que mostra nas paredes exteriores figuras gravadas e outras en relevo nas pedras sen unha organización clara e de difícil datación. Parecen pezas aproveitadas doutras construcións de natureza incerta, posibelmente algunha edificación ritual ou relixiosa. Entre as figuras, pódense observar figuras de seres humanos a cabalo, animais como un cervo e mesmo símbolos do Sol, a Lúa e unha vieira. Tamén se aprecian grafías e trazos diversos.[5][6]
Contorno
[editar | editar a fonte]- Artigo principal: Pena Trevinca.
No contorno de Ponte, pódese practicar o sendeirismo, a astronomía, a pesca, principalmente no río Xares, e a caza. Desde Ponte, saen dous camiños sinalizados: o PR-G 199 Ruta Pena Trevinca polo Sestil Alto (18 km, ida e volta; se se vai até o pico de Pena Trevinca, esténdese até os 21,6 km; dificultade alta; duración de 7 horas)[7] e o PR-G 200 Ruta das lagoas glaciares da Serpe e de Ocelo (14 km, ida e volta; dificultade media-alta; duración de 5 horas)[8]. Desde 2015, Trevinca é un Destino Turístico Starlight[9], polo tanto un lugar recomendado para a observación nocturna do ceo.
Galería de imaxes
[editar | editar a fonte] |
Wikimedia Commons ten máis contidos multimedia na categoría: Ponte, A Veiga  |
Panel ZEC Pena Trevinca en Ponte, A Veiga
Gravado na Casa dos Vaqueiros, Ponte, A Veiga
Lugares e parroquias
[editar | editar a fonte]Lugares de Ponte
[editar | editar a fonte]| Lugares da parroquia da Ponte no concello da Veiga (Ourense) | |
|---|---|
Parroquias da Veiga
[editar | editar a fonte]
Notas
[editar | editar a fonte]- 1 2 DECRETO 27/2026, do 30 de marzo, polo que se aproba o Nomenclátor de Galicia.
- ↑ "Nomenclátor de Galicia 2026" (PDF). Real Academia Galega. Consultado o 2026-05-23.
- ↑ "Instituto Galego de Estatística, consulta do nomenclátor". Xunta de Galicia.
- ↑ Aparece nomeada con v e b segundo os autores/as.
- ↑ "A Casa dos Baqueiros. Ponte (A veiga)". Patrimonio Galego. Consultado o 2022-08-22.
- ↑ "A Veiga: un puzzle histórico nas fachadas". Capítulo Cero. Consultado o 2022-08-22.
- ↑ Turismo, Turgalicia/Axencia Galega de Turismo (2021-12-15). "Sendeiros PR-G 199 Ruta Pena Trevinca polo Sestil Alto na Veiga (Ourense)". Turgalicia. Consultado o 2022-08-21.
- ↑ Turismo, Turgalicia/Axencia Galega de Turismo (2021-12-15). "Sendeiros PR-G 200 Ruta das lagoas glaciares da Serpe e de Ocelo na Veiga (Ourense)". Turgalicia. Consultado o 2022-08-21.
- ↑ Company, The Geco. "Listado de Destinos Turísticos Starlight". Starlight Fundación (en castelán). Consultado o 2022-08-18.
Véxase tamén
[editar | editar a fonte]Outros artigos
[editar | editar a fonte]| Control de autoridades |
|
|---|
