ACT UP

Na Galipedia, a Wikipedia en galego.

ACT UP é o acrónimo de AIDS Coalition to Unleash Power, un grupo de individuos diverso e non "partisanos" enderezados cara a accións directas que rematen coa crise da SIDA.

Historia[editar | editar a fonte]

ACT UP formouse de facto o 10 de marzo de 1987 nos centro de servizos para a comunidade de gais e lesbianas de Nova York. Daquela, pedíraselle a Larry Kramer que participase nunha serie de roldas e a súa intervención, moi ben acollida, centrouse nas accións para previr a SIDA. Kramer criticou o colectivo GMHC (Gay Men's Health Crisis, "crise sanitaria dos gais"), que percibía coma politicamente inútil. El mesmo fundara a GMHC e acababa de dimitir do seu cadro de dirección. Segundo Douglas Crimp, Kramer propuxo unha pregunta ó auditorio: "Deberíamos comezar unha nova organización encamiñada á acción política?": a resposta foi unha afirmación clamorosa. Aproximadamente trescentas persoas xuntáronse dous días despois para formar ACT UP.