12 Golden Country Greats
| 12 Golden Country Greats | ||||
|---|---|---|---|---|
| Álbum de Ween | ||||
| Gravación | novembro de 1995 | |||
| Duración | 33:40 (orixinal) 32:38 (reimpresión) | |||
| Xénero(s) | rock alternativo, country alternativo | |||
| Selo(s) | Elektra Records | |||
| Producido por | Ben Vaughn | |||
| Cronoloxía | ||||
| ||||
12 Golden Country Greats é o quinto álbum da banda estadounidense de rock alternativo Ween, editado o 16 de xullo de 1996 polo selo Elektra Records.
O traballo marca a primeira vez que Ween se limita a un xénero específico nun disco. Levando a unha ampla variedade de experimentados (e ás veces lendarios) músicos de Nashville (entre os que estaban Charlie McCoy Buddy Spicher, Bobby Ogdin e The Jordanaires), o álbum busca recrear o son da época dourada do country, ao mesmo tempo que combina isto co son do Ween máis clásico en temas como "Piss Up a Rope". Posteriormente Ween se reuniría con algúns destes músicos de sesión novamente nunha banda chamada The Shit Creek Boys.
Existen tres teorías sobre o título do álbum. A primeira afirma que fai referencia á ducia de veteranos músicos, coñecidos como The Shit Creek Boys, que tocaron no traballo. A segunda di que fala do feito de que a banda gravou doce cancións durante as sesións demo para o álbum; cando chegou a hora de gravar o disco, o grupo optou por non usar dous dos temas, pero decidiron non cambiar o título que xa tiñan pensado. As dúas cancións eliminadas titulábanse "I Got No Darkside" e "So Long, Jerry". Esta última era un tributo ao recentemente falecido músico Jerry Garcia, e acabou sendo a cara B do sinxelo "Piss Up a Rope". A terceira teoría sostén que o álbum sinxelamente foi bautizado así de forma irónica. O estilo do nome tamén pode ser unha homenaxe ao álbum de 1979 de Throbbing Gristle 20 Jazz Funk Greats, un disco con só 13 temas e pioneiro na música industrial.
Listaxe de cancións[editar | editar a fonte]
- "I'm Holding You" - 4:02
- "Japanese Cowboy" - 3:01
- "Piss Up a Rope" - 3:33
- "I Don't Wanna Leave You on the Farm" - 2:44
- "Pretty Girl" - 2:35
- "Powder Blue" - 4:16
- "Mister Richard Smoker" - 2:42
- "Help Me Scrape the Mucus off My Brain" - 2:45
- "You Were the Fool" - 4:26
- "Fluffy" - 3:31
