O óso isquion ou isquion[1] é a parte inferior e posterior do óso ilíaco ou coxal. Dito doutro xeito, cada un dos ósos situados na pelve que forman parte de cada coxal, ao fusionarse co ilio e a pube. É divisíbel en dúas porcións: o corpo e a rama do isquion. É un óso plano.
A protuberancia ou tuberosidade isquiática é o promontorio posteroinferior do isquion.
Segundo o Rouvière, no isquion insírese a cara medial da fascia inferior do diafragma uroxenital ou pelviano.
