Ó leste do Edén

Ó leste do Edén
Póster do filme.
Ficha técnica
Título orixinal	East of Eden
Director	Elia Kazan
Produtor	Elia Kazan
Guión	Paul Osborn
Baseado en	East of Eden, de John Steinbeck (1952)
Intérpretes	James Dean Julie Harris Raymond Massey Jo Van Fleet
Música	Leonard Rosenman
Fotografía	Ted D. McCord
Montaxe	Owen Marks
Estudio	Warner Bros.
Distribuidora	Warner Bros.
Estrea	9 de marzo de 1955
Duración	117 minutos
Orixe	Estados Unidos
Recadación	5 millóns de dólares
Na rede

Ó leste do Edén (en inglés: East of Eden) é un filme estadounidense de 1955 dirixido por Elia Kazan, baseado vagamente na novela homónima de John Steinbeck de 1952. Está protagonizado por Julie Harris, James Dean e Raymond Massey.

O filme, xunto con Rebel Without a Cause e Xigante, foi declarado polo American Film Institute como un dos 400 filmes estadounidenses de todos os tempos. En 2016 o filme foi considerado "cultural, histórica e esteticamente significativo" pola Biblioteca do Congreso dos Estados Unidos de América e seleccionado para a súa preservación no National Film Registry.

Foi emitido na TVG o 23 de agosto de 2002.

Argumento

En Salinas (California) vive un taciturno agricultor de leitugas, Adam Trask cos seud dous fillos, Cal e Aron. Cal é rebelde, problemático e falcatrueiro, mentres que Aron é tranquilo e traballador. Porén, a moza de Aron, Abra, e o vello shériff local, Sam, saben que Cal ten bo fondo. Entre os irmáns existe unha rivalidade pola atención e o afecto do pai. Un día, o destino leva a Cal a descubrir que a súa nai, Kate, que el e o seu irmán crían morta, realmente vive administrando un bordel en Monterrey.

O pai decide investir todo o seu capital no arriscado negocio de transportar a súa produción de leitugas a Nova York por ferrocarril, nun vagón refrixerado, mais o plan fracasa e queda na ruína económica. Nun intento de axudar o seu pai e gañar a súa atención, Cal decide investir nunha sementeira de feixóns pedindo axuda financeira á súa nai. Aproveitando a alza do prezo dos feixóns debido ao inicio da primeira guerra mundial, o seu negocio ten éxito. Cal ofrece os cartos gañados ao seu pai, que o rexeita debido a que o considera aproveitamento da guerra.

Elenco

• Julie Harris como Abra Bacon
• James Dean como Caleb Trask
• Raymond Massey como Adam Trask
• Richard Davalos como Aron Trask
• Burl Ives como Sam (o shériff)
• Jo Van Fleet como Cathy Ames/Kate Trask
• Albert Dekker como Will Hamilton
• Nick Dennis como Rantani
• Lois Smith como Anne, servente de Kate
• Timothy Carey como Joe, secuaz de Kate (sen acreditar)
• Barbara Baxley como enfermeira de Adam (sen acreditar)
• Richard Garrick como Dr. Edwards (sen acreditar)
• Lonny Chapman como Roy Turner, mecánico de automóbiles (sen acreditar)
• Lester Dorr como oficial da cidade (sen acreditar)

Véxase tamén

Ligazóns externas

• East of Eden resource guide by Automation Librarian Terry Ballard