Ângelo Brea
| Biografía | |
|---|---|
| Nacemento | 1968  (57/58 anos)Santiago de Compostela, España |
| Educación | Universidade de Santiago de Compostela Universidade da Coruña |
| Actividade | |
| Ocupación | escritor, docente |
  | |
Angel José Brea Hernández, tamén coñecido como Ângelo José Brea Hernández ou Ângelo Brea, nado en 1968 en Santiago de Compostela, é un escritor e profesor galego.[1]
Traxectoria
[editar | editar a fonte]É licenciado en Filoloxía Hispánica pola Universidade de Santiago de Compostela, en Filoloxía Galego-Portuguesa pola Universidade da Coruña e diplomado en Estudos Portugueses pola Universidade de Lisboa. A súa memoria de licenciatura na USC foi: Os Descordos galego-portugueses: (exame do corpus, critérios de classificaçao e análise comparativa com os descordos provençais e franceses).[2]
Imparte aulas de Lingua galega e Literatura.[3] Participou en moitos congresos e simposios sobre literatura medieval e lusofonía.[4] É membro numerario da Academia Galega da Língua Portuguesa.[5]
É secretario das Irmandades da Fala da Galiza e Portugal e pertence aos consellos de redacción das revistas O Ensino, Cadernos do Povo e Nós, nas que publicou artigos sobre literatura e sociolingüística.[1]
Obras
[editar | editar a fonte]- "Livro do Caminho, poemário", in Cadernos do Povo (1989). Pontevedra-Braga.
- Diário de um poeta maldito (1994). Pontevedra: Colección de poesia 5+2 = 8 e Aos 4 ventos,.
- Queixumes dos Pinheiros e outros poemas de Eduardo Pondal, in Cadernos do Povo (1996). Número monográfico
- "Cantares Galegos, de Rosalia de Castro", in Cadernos do Povo (1999). Edición anotada e versión portuguesa.
- O país dos nevoeiros (2005). Culleredo: Espiral Maior. ISBN 9788496475090.
- Lembranças da terra & outras histórias de um futuro possível (2014). Santiago: Através. ISBN 9788487305870. Prólogo de Paulo Soriano.
- Tempo de eclipses (2019). Milladoiro: Improset. Recompilación da súa poesía.
- Nos vales do Máriner e outros relatos (2022). Milladoiro: Improset. ISBN 978-84-09-37291-1. Relatos.
Libros colectivos
[editar | editar a fonte]- Eva Perón (1994). Xunto con Roberto Cordovani e Iolanda Aldrei. Premio Compostela de Teatro en 1995.
- A voz dos mundos: contos de ficçâo científica (2016). Santiago de Compostela: Através. ISBN 9788487305962.
Premios
[editar | editar a fonte]- Prémio CarValho, golpeDasa 2025 na categoría de Creación por Ensinamentos de Rahotep.[6]
Notas
[editar | editar a fonte]- ↑ 1,0 1,1 "Brea Hernández, Ângelo". egu.xunta. Consultado o 10 de xaneiro de 2026.
- ↑ "Os Descordos...". iacobus.usc.gal. Consultado o 2026-01-10.
- ↑ "A primeira edición dos Prémios CarValho golpeDasa xa ten gañadores Universidade de Santiago de Compostela". www.usc.gal. 2026-01-09. Consultado o 2026-01-10.
- ↑ AdminWeb (2011-06-01). "Brea Hernández, Ângelo José (1968)". www.academiagalega.gal (en portugués). Consultado o 2026-01-10.
- ↑ webmaster. "Membros Numerários". www.academiagalega.gal (en portugués). Consultado o 2026-01-10.
- ↑ "Atribuídos Prémios CCC – Cátedra Carvalho Calero" (en portugués). Consultado o 2026-01-10.
