Ánxela Lema París

Ánxela Lema París

Biografía
Nacemento	30 de marzo de 1991 (34 anos) Muros, España
Educación	Universidade da Coruña
Director de tese	Carme Fernández-Pérez Sanjulián e Marta Segarra Montaner
Actividade
Ocupación	profesora universitaria, investigadora, escritora
Familia
Irmáns	Samuel L. París
Premios
(2024)  Premios Follas Novas do Libro Galego

Ánxela Lema París, nada en Muros en 1991, é unha investigadora e escritora galega.

Traxectoria

Graduada en Galego e Portugués: Estudos Lingüísticos e Literarios (2013) pola Universidade da Coruña, no ano 2020 obtivo o título de Doutora, con mención internacional e cum laude, coa tese titulada Deconstruír o erotismo poético desde as non-monogamias. Estudo e relectura da poesía erótica galega e da súa recepción crítica na primeira década do século XXI, dirixida por Carme Fernández Pérez-Sanjulián e Marta Segarra (Universidade da Coruña / Université Paris 8 Vincenntes Saint Denis). Realizou, ademais, estudos de posgraduado como o Mestrado Universitario en Literatura, Cultura e Diversidade (2014), o Mestrado en Teoría da Literatura e Literaturas Lusófonas (2015) e o Mestrado en Profesorado de Educación Secundaria Obrigatoria, Bacharelato, Formación Profesional e ensinanza de idiomas (2021).

Foi lectora de lingua, literatura e cultura galegas e profesora temporal da Université Sorbonne-Nouvelle Paris 3 (2015-2018), lectora de español no Institut Universitaire de Technologie d'Amiens-Université de Picardie Jules Verne (2017-2018), investigadora no Centro Ramón Piñeiro para a Investigación en Humanidades (2018-2020) e bolseira Margarita Salas na modalidade posdoutoral. Na actualidade exerce como profesora do Departamento de Letras da Facultade de Filoloxía da UDC na área de Filoloxías Galega e portuguesa e é membro do Grupo ILLA e colaboradora do proxecto EDILIGAL. Activista LGTBIQ+, formou parte da plataforma A Sega e é integrante da Rede Galega de Estudos Queer.

Os seus ámbitos de investigación son os estudos de xénero e literarios, especialmente a análise de como inflúen o sistema sexo-xénero e o sistema monógamo á hora de relacionarnos coa literatura, cuestións sobre as que leva publicado diferentes traballos e impartido numerosas conferencias e seminarios. Nesta liña editou, xunto con Danny Barretto (Universidade Colgate) o número de 2024 da revista Galicia 21 "Dende a outra beirarrúa: culturas e estudos cuir en Galicia", unha das primeiras achegas académicas a uns estudos cuir galegos.

No ámbito da ficción publicou, xunto a Sara Villar Aira, Ex-céntricas (Fetiche, 2022), poemario que comezaron a escribir durante a Pandemia de COVID-19.

En 2023 coordinou con Andrea Nunes Brións o ensaio O cento voando: amores, alianzas e non-monogamias (Xerais), polo que foron galardoadas co Premio Follas Novas á obra de divulgación.

En marzo de 2025 publicOU Insubmisión ambigua. Voces e relatos alén da monosexualidade (Xerais), ensaio coordinado con Ana M. Amigo Ventureira.

Obras

Ensaio

• Tecermos redes, crearmos comunidade. Estudos sobre a obra de María Reimóndez, Xerais, 2020 (coordinadora con Andrea Nunes Brións). ISBN 978-84-9121-676-6.
• O cento voando: amores, alianzas e non-monogamias, Xerais, 2023 (coordinadora con Andrea Nunes Brións). ISBN 9788411102889.
• Insubmisión ambigua. Voces e relatos alén da monosexualidade, Xerais, 2025 (coordinadora con Ana M. Amigo Ventureira). ISBN 978-84-1110-615-3.

Poesía

• Ex-céntricas, Fetiche, 2022 (con Sara Villar Aira) ISBN 978-84-123034-2-1.

Capítulos en obras colectivas

• "O suxeito poético performativo como alternativa ás lecturas biografistas e/ou sexualizantes", en Herrero, Nieves; Freire, María Pilar; Agrelo, Eulalia (eds.): Novo espazo público: a emerxencia cultural. Cadernos CIPPCE sobre emerxencia cultural, 3, 2016. ISBN 978-84-16533-85-5.
• "Sobre ruptura(s) coa heteronormatividade e (homo)erotismo na poesía galega", en Vilavedra Fernández, Dolores; Garrido González, Ana; Boguszewicz, Maria (eds.): Identidade(s) e xénero(s) na cultura galega: unha achega interdisciplinaria, Instituto de Estudos Ibéricos e Iberoamericanos da Universidade da Varsovia; Secretaría Xeral de Política Lingüística da Xunta de Galicia , 2018. ISBN 978-83-65911-15-5.
• "O epistolario Ricardo Carballo Calero-Francisco Fernández del Riego", Cadernos Ramón Piñeiro. Estudos arredor de Ricardo Carvalho Calero, Xunta de Galicia, 2020. ISBN 978-84-453-5348-6.
• "Outras lentes para lermos a obra de María Reimóndez. Achegármonos, reflexionarmos sobre Pirata (2009) e En vías de extinción (2012)", Tecermos redes, crearmos comunidade. Estudos sobre a obra de María Reimóndez, Xerais, 2020. ISBN 978-84-9121-676-6.
• "Verbalizarnos, decirnos. El discurso lesbiano en la literatura gallega de los 80 y 90", en Anne-Claire Sanz e Claudia Jareño Sanz-Gavillon (dirs.): Otras miradas. Voces y formas de la creación feminista desde los años 60 en el Estado español, Bellaterra, 2021. ISBN 978-84-18684-09-8.
• "Amar desde as fendas", en Nunes Brions, Andrea / Lema París, Ánxela (eds.): O cento voando: amores, alianzas e non-monogamias, Xerais, 2023. ISBN 9788411102889.
• "Mujeres invisibles: nombres propios en la edición en Galicia (1975-2000)" (con Carme Fernández Pérez-Sanjulián), en Pérez de Guzmán Padrón, Sofia / Iglesias Onofrio, Marcela (coords.): Precariedades laborales y desigualdades de género en Iberoamérica, Madrid, Dyckinson, 2024. ISBN 978-84-1170-585-1.
• "Non as vin, pero sentinas", en Lema París, Ánxela / Amigo Ventureira, Ana M. (eds.): Insubmisión ambigua. Voces e relatos alén da monosexualidade, Xerais, 2025. ISBN 978-84-1110-615-3.

Artigos en revistas

• "A heteronormatividade como obstáculo na lectura poética. O caso Elvira Riveiro Tobío", Abriu. Estudos de textualidade do Brasil, Galicia e Portugal, 6, 2017. ISSN 2014-8526.
• "Jaula e janela. Uma análise da questao da sexualidade no conto José Matias", Revista Queirosiana. Estudos sobre Eça de Queirós e a sua Geraçao, 2018. ISSN 0872-1769.
• "Leer otramente. Rompiendo con la concepción heteronormativa del sexo en la poesía gallega erótica contemporánea", L’Âge d’or, 12, 2019.
• "Botar por fóra do texto: hipersexualización e cousificación das poetas galegas", Abriu. Estudos de textualidade do Brasil, Galicia e Portugal, 12, 2023. ISSN 2014-8526.
• "A poesía será monógama e monosexual até que se demostre o contrario", 452ºF, 29, 2023. ISSN 2013-3294.
• "Construír unha bi-bliografía: a bisexualidade na narrativa galega", eHumanista/IVITRA, 23, 2023. ISSN 5877 1540 5877.
• "Amores que no perpetúan la forma-propiedad: Entrevista con Ira Terán", Revista 2i: Estudos de identidade e intermedialidade, 6, 9, Portugal, 2024. ISSN 2184-7010.
• "Contradiscursos sobre a família: desfazer (os) laços" (con Danny Barretto), Revista2i. Estudos de identidade e intermedialidade,, 6, 9, 2024. ISSN 2184-7010.
• "Dende a outra beirarrúa: culturas e estudos cuir en Galicia", Galicia 21. Journal of Contemporary Galician Studies, Issue M, 2024. ISSN 2040-7181.

Divulgación

• As nosas letras de muller a muller. Un percorrido pola historia do Día das Letras Galegas, Mareiras, 2018 (con María Eiras). ISBN 978-84-09-05766-5.

Edicións

• Antonio Fraguas. Escolma, Xunta de Galicia, 2020 (editora con Luís Alonso Girgado, Laura Piñeiro Pais e Raúl Costas Pereira). ISBN 978-84-453-5351-6.

Recoñecementos

• Gañadora do XVII Premio de Creación Literaria e Ensaio da Facultade de Filoloxía da UDC na modalidade de poesía en lingua galega (2010).
• Gañadora do XVIII Premio de Creación Literaria e Ensaio da Facultade de Filoloxía da UDC na modalidade de poesía en lingua galega (2011).
• Gañadora do XIX Premio de Creación Literaria e Ensaio da Facultade de Filoloxía da UDC na modalidade de poesía en lingua galega (2012).
• Candidata ao Premio Follas Novas do Libro Galego ao libro de poesía, con Sara Villar Aira, por Ex-céntricas (2023).
• Gañadora do Premio Follas Novas do Libro Galego á obra de divulgación, con Andrea Nunes Brións, por O cento voando. Amores, alianzas e non-monogamias (2024).

Véxase tamén

Ligazóns externas

• Ánxela Lema París - Portal da Investigación (Universidade da Coruña)