Ángeles Mastretta

Ángeles Mastretta

Biografía
Nacemento	9 de outubro de 1949 (76 anos) Puebla de Zaragoza
Educación	Universidade Nacional Autónoma de México
Actividade
Ocupación	xornalista, escritora
Participou en
2016	Feira Internacional do Libro de Santiago de 2016
Familia
Cónxuxe	Héctor Aguilar Camín
Premios
(1997)  Premio Rómulo Gallegos (1986)  Premio Mazatlán de Literatura
Descrito pola fonte	Latin American Women Writers: an Encyclopedia

Ángeles Mastretta, nada en Puebla o 9 de outubro de 1949, é unha escritora e xornalista mexicana, colecida por crear personaxes femininos suxestivos e ficcións que reflicten as realidades sociais e políticas de México.

Traxectoria

É filla do xornalista Carlos Mastretta,, quen traballaba vendendo coches. É irmá de Daniel e Carlos Mastretta, creadores do automóbil Mastretta MXT. Quedou orfa de pai aos vinte anos e comezou a traballar de xornalista mentres estudaba na Facultade de Ciencias Políticas e Sociais da Universidade Nacional Autónoma de México, na que ingresou en 1971, cando chegou a Cidade de México. Como colaboradora ocasional publicaba en medios como Excélsior, La Jornada, Proceso e Ovaciones. Neste último tiña a columna Del absurdo cotidiano, na que escribía de temas diversos.

O Centro Mexicano de Escritores concedeulle unha bolsa en 1974, e comezou a traballar con autores como Juan Rulfo, Salvador Elizondo ou Francisco Monterde. Entre 1975 e 1977 foi directora de Difusión Cultural da ENEP-Acatlán, e despois pasou a dirixir o Museo del Chopo. En 1982 comezou a traballar no consello editorial da revista feminista FEM, no número 24. Repetiu ao ano seguinte no número 25, e seguiu de forma máis constante do 29 ao 40 en 1985.

Xunto con Germán Dehesa participou no programa de televisión La almohada, dedicado a charlas e entrevistas (1998). Ten un blog titulado Puerto libre e escribe regularmente na revista Nexos,, da que é membro do consello editorial. O seu marido, Héctor Aguilar Camín, dirixiu a publicación entre 1983 e 1995. Colabora de forma esporádica en periódicos estranxeiros como Die Welt e El País.

A súa filla Catalina Mastretta tamén é escritora.

É militante feminista, e fundou e organizou grupos como a Unión de Mujeres Antimachistas en Cidade de México.

Obras

Novelas

• Arráncame la vida (1985)
• Mujeres de ojos grandes (1990)
• Mal de amores (1996)
• Ninguna eternidad como la mía (1999)
• El cielo de los leones (2003)

Cuentos

• Mujeres de ojos grandes (1990)
• Puerto libre (1993)
• El mundo iluminado (1998)
• Maridos (2007)

Memorias

• La emoción de las cosas (2013)
• El viento de las horas (2015)

Poesía

• La pájara pinta (1978)
• Desvaríos (1996)

Adaptacións

• Arráncame la vida, filme dirixido por Roberto Sneider (2008)

Premios e recoñecementos

• Premio Mazatlán de Literatura por Arráncame la vida (1986)
• Premio Rómulo Gallegos por Mal de amores (1997)
• Águila Social (2005)

Véxase tamén

Ligazóns externas

• Mastreta en El País