Ángeles Maestro

Ángeles Maestro
Ángeles Maestro Martín
Datos persoais
Nacemento	6 de febreiro de 1952
	Medina del Campo
Organización	Hoxe: Red Roja Anteriormente: Corriente Roja Iniciativa Internacionalista Partido Comunista de España Izquierda Unida
Alma máter	Universidade Autónoma de Madrid
Profesión	Médico
[ editar datos en Wikidata ]

Ángeles Maestro Martín, máis coñecida como Nines Maestro, nada o 6 de febreiro de 1952 en Medina del Campo, Valladolid, é unha política española.

Traxectoria

Comezou a súa militancia no Partido Comunista de España en 1971, e en 1979 foi escollida concelleira de Talavera de la Reina. Anos despois, en 1989, foi elixida deputada no Congreso dos Deputados, cargo que repetiría por dúas lexislaturas máis, en 1993 e 1996.

Foi unha das fundadoras de IU, sendo dende o primeiro momento membro do Consello Político Federal e da Presidencia Executiva. Pertenceu á sección máis esquerdista do partido, e foi dirixente de tendencias como Plataforma de Izquierdas ou Corriente Roja. No PCE, fixo parte da súa Secretaría de Relacións Internacionais, do Comité Federal e do Comité Executivo.

En novembro de 1996 foi membro do Tribunal Internacional por Crímenes Contra a Humanidade Cometidos polo Consello de Seguridade de Nacións Unidas en Iraq, iniciativa cívica de intelectuais, políticos e profesionais do Dereito contrarios ás consecuencias do embargo sobre a poboación civil do país mesopotámico.

Abandonou IU cando Corriente Roja deixou a coalición en xuño de 2004, reincorporándose ao seu posto como médico no Servizo Madrileño de Saúde. Abandonou o PCE logo do XVII Congreso (xuño de 2005), logo de rexeitar este a proposta de Corriente Roja de que o PCE abandonase IU. Hoxe en día é a principal dirixente de CR. Nas eleccións ao Parlamento Europeo de 2009 acode nas listas de Iniciativa Internacionalista.

Véxase tamén

Outros artigos

• Corriente Roja

Ligazóns externas

• Artigos de Ángeles Maestro en Kaos en la Red (en castelán).
• Entrevista a Ángeles Maestro en El País (en castelán).