Álvaro Feijoo-Montenegro Fernández

Álvaro Feijoo-Montenegro Fernández

Biografía
Nacemento	9 de setembro de 1951 (74 anos) Ourense, España
Actividade
Ocupación	futbolista
Deporte	fútbol
Posición de xogo	Centrocampista
Traxectoria   Equipo 1969–1972 Club Deportivo Ourense B 1972–1974   CD Ourense 1974–1975   Racing de Santander 1975–1976 Gimnàstic de Tarragona 1976–1977 Real Sociedad Gimnástica de Torrelavega 1977–1978 UE Lleida 1978–1979 Unión Deportiva Melilla 1979–1983   CD Ourense

Álvaro Feijoo-Montenegro Fernández, nado en Ourense o 9 de setembro de 1951, é un exfutbolista galego, coñecido como Montenegro. Xogaba de dianteiro e centrocampista.

Traxectoria

Formouse nas categorías inferiores do CD Ourense. Na tempada 1968-69 foi o máximo goleador do equipo xuvenil, que acadou o campionato rexional, e en maio de 1969 debutou co filial ourensán. Na tempada 1969-70 xogou na Terceira división española co Atlético Orense. A pesar de que o equipo descendeu a Serie A, Montenegro foi chamado para xogar coa selección galega xuvenil.

Na tempada 1972-73 pasou ao primeiro equipo do CD Ourense, e acadou o ascenso de terceira a segunda división. En 1974, mentres facía o servizo militar en Cádiz, fichou polo Racing de Santander, e na tempada 1974-75 o equipo logrou ascender de segunda a primeira división. Ao ano seguinte xogou de novo en segunda con Gimnàstic de Tarragona, que quedou de último. Pasou entón ao Gimnástica de Torrelavega, de terceira división, cedido polo Racing de Santander. No verán de 1977 estivo a proba no Celta de Vigo, mais finalmente na tempada 1977-78 xogou coa UE Lleida en segunda B, e na tempada seguinte pasou ao Gimnástico Melilla de terceira división. En 1979 regresou ao CD Ourense, de segunda B. O equipo descendeu a terceira e Montenegro xogou tres anos máis nesa categoría até a súa retirada en 1983.