Álex Fernández Iglesias

Álex Fernández Iglesias

(2010)
Biografía
Nacemento	15 de outubro de 1992 (32 anos) Alcalá de Henares, España
Altura	180 cm
Peso	74 kg
Actividade
Ocupación	futbolista
Período de actividade	6 de marzo de 2011 -
Nacionalidade deportiva	España
Deporte	fútbol
Posición de xogo	Centrocampista
Número deportivo	9
Traxectoria   Equipo 2010–2013   Real Madrid Castilla 99 (6) 2011–2011   Real Madrid CF 1 (0) 2013–2015   RCD Espanyol 29 (0) 2015–2015 → cesión:  HNK Rijeka 9 (2) 2015–2016 → cesión:  Reading F.C. 8 (0) 2016–2017   Elche CF 2017–   Cádiz CF   Selección nacional 2008–2009   España sub-17 14 (2) 2010–2010   España sub-18 2 (0) 2010–2011   España sub-19 10 (0) 2011–2011   España sub-20 1 (0)
Familia
Irmáns	Nacho Fernández

Alejandro "Álex" Fernández Iglesias, nado en Madrid o 15 de outubro de 1992, é un futbolista español que xoga como centrocampista no Cádiz, da Segunda División. É irmán do tamén futbolista Nacho, que desenvolveu a maior parte da súa carreira no Real Madrid.

Traxectoria

Real Madrid

Formouse nas canteiras da RSD Alcalá e do Real Madrid, club este último no que ingresou con 12 anos. En xullo de 2010 foi convocado polo adestrador do primeiro equipo José Mourinho, para unha xira de pretemporada polos Estados Unidos. Disputou o seu primeiro partido non oficial co primeiro equipo branco o 5 de agosto, nun encontro amigable contra o Club América mexicano no que debutou tamén o seu irmán Nacho, futuro capitán do club.

O 29 de agosto de 2010 debutou co Castilla na Segunda División B, nun partido contra o Coruxo. Rematou súa primeira tempada con 32 partidos e dous goles.

O 6 de marzo de 2011 debutou co Real Madrid na Primeira División, xogando o último minuto dunha derrota por 3-1 ante o Racing de Santander. Disputou 35 partidos co filial na campaña 2011/12, contribuíndo así no ascenso á Segunda División.

Espanyol

En agosto de 2013 deixou a estrutura do Real Madrid e pouco despois asinou co RCD Espanyol. Na súa primeira tempada en Barcelona disputou 30 partidos, aínda que só cinco deles como titular.

O 28 de xaneiro de 2015, o Espanyol cedeuno ao HNK Rijeka ata o final da tempada. Para a tempada 2015/16 volveu saír cedido, desta vez ao Reading, club do Championship inglés.

Elche

O 31 de agosto de 2016, pouco despois de rescindir o seu contrato co Espanyol, fichou polo Elche CF, co que acabou descendendo ao remate da tempada. A continuación fichou polo Cádiz, no que xoga dende entón.

Cádiz

Cun total de 11 goles, foi o máximo goleador do seu equipo en 2019. Anotou 13 durante a tempada 2019/20, ascendendo o equipo a Primeira como subcampión.