Ágætis byrjun é o segundo álbum de estudio da banda islandesa de post-rockSigur Rós, publicado o 12 de xuño de 1999 a través dos selos FatCat Records e Smekkleysa Records. O disco foi gravado entre o verán de 1998 e a primavera de 1999 co produtor Ken Thomas. Ágætis byrjun representou un cambio substancial con respecto ao álbum anterior da banda, Von, xa que as paisaxes sonoras ambientais estendidas dese álbum foron substituídas polo traballo de guitarra con arco de violonchelo e orquestración de Jónsi Birgisson, usando un octeto de cordas entre outros elementos de cámara.
Ágætis byrjun foi un éxito comercial e de crítica para a banda. Foi lanzado no Reino Unido no ano 2000 e nos Estados Unidos no 2001. Segundo o seu selo Smekkleysa, o álbum vendeu 10 000 copias no seu primeiro ano de lanzamento en Islandia, o que lle valeu á banda o status de platino.[1] Gañou numerosos premios e apareceu en múltiples listas da crítica dos mellores álbums da década.[2][3][4][5]
Ágætis byrjun é o primeiro álbum da banda que conta co teclista Kjartan Sveinsson, e o último que conta co batería Ágúst Ævar Gunnarsson, que deixou a banda varios meses despois do lanzamento do disco. Gunnarsson foi substituído por Orri Páll Dýrason no mesmo ano.
↑Steinarsson, Birgir Orn (30 de setembro de 2000). "International: Fat Cat's Sigur Rós Stakes Claim for Independence". Billboard: The International Newsweekly of Music, Video and Home Entertainment. 50 (120.26): 90
