Ás

O ás (en latín unidade) era a moeda base do sistema monetario da república romana, unha moeda de bronce que equivalía ó comezo ó peso dunha libra romana (273 gr), aínda que progresivamente foi reducindo o seu tamaño. Intruduciuse arredor do 280 a.C. Tras a reforma monetaria de Augusto, coa introdución do ouro no sistema monetario, o denario como unidade base da moeda de prata e unha nova moeda de oricalco, o sestercio, o ás seguiu a se cuñar pero xa como unha moeda de cobre, de moi baixo valor (10,9 g), ata o século III.

Divisores[editar | editar a fonte]

dextans (5/6)
dodrans (3/4)
bes (2/3)
semis (1/2)
quincunx (5/12)
triens (1/3)
quadrans (1/4)
sextans (1/6)
uncia (onza) (1/12)
semuncia (1/24)
quartuncia (1/48)

Múltiplos[editar | editar a fonte]

dupondius (2)
sestertius (2.5)
tressis (3)
quadrussis (4)
quincussis (5)
denarius (10)

Galicia[editar | editar a fonte]

En Galicia o ás foi a primeira moeda que se cuñou, xunto ó denario, no ano 25 a.C. na ceca móbil de Lugo. Utilizouse para pagar ó exército romano e tiña un peso aproximado de 10 gr.