Zhu Xi

Na Galipedia, a Wikipedia en galego.
Este é un dos 1000 artigos que toda Wikipedia debería ter.
China
Dinastía Song
Zhu-xi1.gif
Zhū​ Xī​

Nome

Zhū​ Xī​

Nacemento

18 de outubro de 1130

Morte

23 de abril de 1200

Filosofía

Confucianismo

Influencias

Confucio

Influenciou a

Neo-confucianismo

Zhū​ Xī​ ou Chu Hsi (chinés: 朱熹, Pinyin: Zhū Xī, Wade-Giles: Chu Hsi) (18 de outubro de 1130, Youxi, provincia de Fujian, China23 de abril de 1200, China) foi un sabio confucianista da Dinastía Song que chegou a converterse na principal figura da Escola do Principio e o máis influente racionalista do neo-confucianista. A súa contribución á filosofía chinesa incluiu importantes aportacións aos Analectos de Confucio, o Mencio, o Gran Ensino e a Doutrina do Medio (os Catro Libros), a súa énfase na investigación das cousas (gewu) e a síntese de tódolos conceitos fundamentais do Confucianismo.

Biografía[editar | editar a fonte]

Zhu Xi, cuxa familia era orixinaria do condado de Wu-yuan na prefectura de Hui (徽州婺源县, localizada actualmente na provincia de Jiangxi), naceu en Fujian, onde seu pai traballaba coma alguacil da subprefectura. Logo de que seu pai fose despedido por mor da súa oposición á política de apaciguamento da Dinastía Jurchen en 1140, Zhu Xi foi instruído por seu pai na casa.

Logo da moirte de seu pai en 1143, estudou cos amigos de seu pai Hu Xian, Liu Zihui e Liu Mianzhi. En 1148, aos 19 anos, Zhu Xi pasou o Exame Imperial e convertiuse en doctor. O primeiro traballo oficial de Zhu Xi foi coma rexistrador da subprefectura de Tong'an (同安县主簿), no que serviu de 1153 a 1156. Desde 1153 comezou a estudar con Li Tong, que seguía a tradición neoconfuciana de Cheng Hao e Cheng Yi e convertiuse oficialmente no seu alumno en 1160.

En 1179, logo de non traballar coma funcionario público desde 1156, Zhu Xi foi nomeado Prefecto do distrito militar de Nankang (南康軍), onde reviviu a Academia da Gruta do Cervo Branco (白鹿洞書院).[1] e foi degradado tres anos despois por criticar a incompetencia de algúns oficiais influentes.

Incluso aínda que as súas ensinanzas foron atacadas por figuras relevantes, case mil persoas asistiron ao seu funeral.[2] En 1208, oito anos despois da súa morte, o emperador Ningzong dos Song rehabilitou a Zhu Xi e honrouno co título póstumo de Wen Gong (文公), que significa “Venerable cabaleiro da cultura”.[3] Arredor de 1228, o emperador Lizong dos Song honrouno co título nobiliario póstumo de Duque de Hui (徽国公).[4] En 1241, colocouse unha placa en conmemoración súa no Templo Confuciano,[5] elevándoo así á santidade confuciana. Hoxe, Zhu Xi é idolatrado coma un dos "Doce Filósofos" (十二哲) do Confucianismo.[6] Os sinoloxistas moderno adoito refírense a el coma Zhu Wen Kung (朱文公).

Notas[editar | editar a fonte]

  1. Gardner, p. 3 - 6
  2. Chan 1963: 588.
  3. Chan 1989: 34.
  4. Chan 1989: 34. Hui refírese a Hui-chou, o seu pazo ancestral en Anhui, agora Jiangxi.
  5. Gardner 1989: 9.
  6. http://www.chinese-architecture.info/PEKING/PE-032.htm

Véxase tamén[editar | editar a fonte]

Ligazóns externas[editar | editar a fonte]