Wei Hui
  | |
| Biografía | |
|---|---|
| Nacemento | (zh) 周卫慧 4 de xaneiro de 1973 (51 anos)Yuyao, provincia de Zhejiang |
| Datos persoais | |
| País de nacionalidade | República Popular da China |
| Educación | Universidade Fudan (pt)  |
| Actividade | |
| Ocupación | novelista , guionista , escritora |
| Xénero artístico | Novela |
| Movemento | Post 70s Generation (en) |
| Lingua | Lingua chinesa |
Zhou Wei Hui (chinés simplificado: 周卫慧; pinyin: Zhōu Wèi Hùi), máis coñecida como Wei Hui (chinés simplificado: 卫慧; pinyin: Wèi Huì), nada en Yuyao, Zhejiang, o 4 de xaneiro de 1973, é unha escritora chinesa.[1][2] Na actualidade, vive entre Shanghai e Nova York.[2]
Traxectoria[editar | editar a fonte]
Weu Hui viaxou moito durante a súa mocidade, xa que o seu pai era un oficial do exército chinés.[3] Estudou Lingua e Literatura Chinesas na Universidade de Fudan[1]. Realizou diversas publicacións antes de consagrarse coa súa novela Shanghai Baobei (上海宝贝, "Shanghai baby", 2000)[4], que a converteu nunha das escritoras máis lidas do país. A obra foi prohibida polas autoridades chinesas, que a consideraron "pornográfica".[5] Posteriormente, traducíuse a numerosas linguas, gozando de grande éxito entre o público occidental.[5] A súa continuación, Wo de chan (我的禅, "O meu zen", 2005) foi tamén censurada.[6]
Estilo e temática[editar | editar a fonte]
Wei Hui forma parte da Nova Xeración de Escritores,[7] xunto con Mian Mian ou Shen Haobo.[8] As súas obras exploran o novo estilo de vida urbano das xeracións máis novas da China, marcado polo hedonismo e os referentes occidentais.[1][3] Tratou temas como a obsesión polos cartos, o uso de drogas, a homosexualidade ou o consumismo.[1][3][5]
Traducións[editar | editar a fonte]
- Wei Hui (2002). Shanghai Baby. Tradución directa ao castelán de Liljiana Arsovska e Romer Alejandro Cornejo. Planeta. ISBN 9788408042822[9]
- Wei Hui (2002). Shanghai Baby. Tradución mediada do castelán ao catalán de Víctor Aldea Llorente. Columna. ISBN 9788466402279[10]
- Wei Hui (2005). Casada con Buddha. Tradución directa ao castelán de Ainara Munt e Xu Ying. Planeta/Emecé. ISBN 9788495908735[11]
Notas[editar | editar a fonte]
- ↑ 1,0 1,1 1,2 1,3 "WEI HUI, PEN NAME OF ZHOU WEIHUI (1973— ) - The Dictionary". recap.study. Consultado o 2023-12-05.
- ↑ 2,0 2,1 "Wei Hui Biography - Chinese writer". pantheon.world (en inglés). Consultado o 2023-12-05.
- ↑ 3,0 3,1 3,2 "Wei Hui, una china irreverente". El Universo (en castelán). 2002-08-25. Consultado o 2023-12-05.
- ↑ "卫慧". 百度百科. Consultado o 2023-12-05.
- ↑ 5,0 5,1 5,2 Koetse, Manya (2012-12-08). "Shanghai Baby - Beyond China. A Chinese Novel Banished to the West.". Manya Koetse (en inglés). Consultado o 2023-12-05.
- ↑ "Marrying Buddha". South China Morning Post (en inglés). 2005-06-19. Consultado o 2023-12-05.
- ↑ "NEW GENERATION WRITERS (XIN SHENG DAI ZUOJIA) - The Dictionary". recap.study. Consultado o 2023-12-05.
- ↑ "新生代作家". 百度百科. Consultado o 2023-12-05.
- ↑ "Shanghai Baby — 上海宝贝 (Shanghai Baobei) — La literatura china traducida en España". dtieao.uab.cat. Consultado o 2023-12-05.
- ↑ "Shanghai Baby — 上海宝贝 (Shanghai Baobei) — La literatura china traducida en España". dtieao.uab.cat. Consultado o 2023-12-05.
- ↑ "Casada con Buda — 我的禅 (Wo de Chan) — La literatura china traducida en España". dtieao.uab.cat. Consultado o 2023-12-05.
Véxase tamén[editar | editar a fonte]
Ligazóns externas[editar | editar a fonte]
- 卫慧 (La literatura china traducida en España)
