Zabrze

Na Galipedia, a Wikipedia en galego.
Escudo de Zabrze
Localización de Zabrze en Polonia

Zabrze [ˈzabʒɛ] ) (en alemán Hindenburg) é unha cidade de Polonia, da voivoda de Silesia na parte sur do país, sita a uns 150 km ao sureste de Wrocław e arredor de 90 km ao noroeste de Cracovia. É un importante centro industrial (mineiría,siderurxia e maquinaria).

Oficina de correos de Zabrze

. A súa poboación, en xuño de 2007, era de 189.656 habitantes.

Historia[editar | editar a fonte]

En 1242 o nome de Zabrze é mencionado por vez primeira en documentación. Nos séculos seguintes a localidade pertencería ao Estado de Piast, a Bohemia, aosHabsburgo e máis a [Prusia]].

Até 1873 Zabrze foi un concello rural pertencente ao distrito de Opole, na provincia prusiana de Silesia ; tornouse por aquela na cabeceira dunha comarca que levaba o seu nome, degallado da comarca de Beuthen. Logo da disolución da provincia en novembro de 1919, o distrito de Opole formou unha provincia diferenciada con o nome de Alta Silesia. Entre 1915 e 1945, Zabrze, que pertencía á Alemaña, levou o nome de Hindenburg O.S. (é dicir, Oberschlesien ou Alta Silesia), en homenaxe ao marechal Hindenburg, nome que aínda é utilizado pola minoría alemá de Polonia.

O 1 de outubro de 1922 o antigo concello rural de Hindenburg O.S. recibíu o rango de cidade, consonte as regras estabelecidas o 30 de maio de 1853 para as seis provincias orientais do reino de Prusia. O 1 de xaneiro de 1927 a comarca de Hindenburg O.S foi derrogada e o concello urbano de Hindenburg O.S. conformou con o resto da comarca unha nova comarca urbana, aínda que sen incluír o concello rural de Sosnitza.

Zabrze: rúa Wolnosci

O 1 de abril de 1938 as antigas provincias prusianas da Baixa e da Alta Silesia foron reunificadas de novo nunha soa provincia de Silesia, mais para volver á antiga división outra vez, o 18 de xaneiro de 1941. Hindenburg O.S., entre tanto, xa non pertenceu ao distrito d'Opole, senón ao de Katowice e pasou a formar parte de novo da Alta Silesia.

Na primavera de 1945, a cidade foi ocupada polo Exército Vermello e foi traspasada moi logo á administración polaca.

Deportes[editar | editar a fonte]

O Gornik Zabrze é o equipo fútbol de Zabrze. Ten a mellor marca do campionato polaco que obtivo en 14 ocasións.

Naturais ilustres[editar | editar a fonte]


Commons
Commons ten máis contidos multimedia sobre: Zabrze