Zúric - Zürich
Na Galipedia, a wikipedia en galego.
| Zúric | |
|---|---|
 |
 |
| Situación | |
 |
|
| País |  Suíza |
| Cantón |  Zúric |
| Distrito |  Zúric |
| Nome | |
| Nome oficial | Zürich |
| Francés | Zurich |
| Italiano | Zurigo |
| Romanche | Turitg |
| Xeografía | |
| Superficie | 91,88 |
| Altitude • Máxima • Mínima |
408 m 871 m (Uetliberg) 392 m (Limmat) |
| Poboación | |
| Poboación | 361.129 (2008) |
| Densidade | 10.180 hab/km2 |
| Xentilicio | Zuriqués |
| Lingua | Alemán |
| Información | |
| Código postal | 8000 - 8099 |
| Alcalde | Corine Mauch (SPS) |
| Sitio na web | www.stadt-zuerich.ch |
Zúric (en alemán: Zürich, en latín Turicum) é unha cidade de 364.174 habitantes (1,08 millóns no contorno urbano). É a cidade máis grande de Suíza, e é a capital do cantón homónimo. Está dividida en 12 distritos (Kreise en alemán).
Índice |
[editar] Xeografía
Zúric sitúase no límite setentrional do Lago de Zúric, onde o río Limmat abandona o lago. Un pouco máis ao norte, no maior parque da cidade, o Platzspitz, o río Sihl, procedente do suroeste, desauga no Limmat. No oeste da cidade exténdese o val do Limmat. Ao norte, Zúric crece sobre os montes Zürichberg e Käferberg, até chegar ao val do Glatt. No limite oriental encóntranse os montes Adlisberg e Uetliberg. A superficie do municipio é de 91,9km².
Concellos limítrofes
Os concellos que limitan con Zúric son: Kilchberg, Adliswil, Stallikon, Birmensdorf, Uitikon, Schlieren, Oberengstringen, Regensdorf, Rümlang, Opfikon, Wallisellen, Dübendorf, Fällanden, Maur e Zollikon.
[editar] Economía
Zúric é o centro comercial, económico e financeiro do país helvético. Compañías como USB, Credit Suisse, Swiss Re e moitas outras institucións financeiras (sobre todo bancos e aseguradoras) teñen as sedes centrais nesta cidade. O sector financeiro aporta máis da cuarta parte da actividade económica da cidade, favorecida pola lexislación nacional de secreto bancario. A Bolsa de Suíza (SWX Swiss Stock Exchange) tamén está localizada en Zúric. Esta cidade é un centro financeiro de primeiro nivel mundial e repetidas veces foi proclamada cidade con mellor calidade de vida no mundo.
[editar] Demografía
Zúric conta oficialmente con 376.815 habitantes (a data de 31 de decembro de 2007), sendo a cidade máis poboada do país. O 30,6% dos habitantes da cidade non posúen a cidadanía suíza, o que fai un número total de 115.379 persoas.[1]
Os cidadáns alemáns constitúen o grupo estranxeiro máis numeroso de Zúric co 22%, seguido dos inmigrantes de Kosovo, Albania e Italia.[2] Con todo, a área metropolitana (incluídas as cidades de Winterthur, Baden, Brügg, Schaffhausen, Frauenfeld, Uster/Wetzikon, Rapperswil-Jona e Zug) teñen unha poboación conxunta de ao redor de 1,68 millóns de habitantes.[3]
O idioma oficial empregado polo goberno e a maior parte da prensa é o alemán, mentres que o dialecto máis comunmente falado en Zúric é o Zürichdeutsch (alemán de Zúric), que é un dialecto do alemán de Suíza. O alemán é a lingua materna do 77% da poboación. O italiano é a segunda lingua nativa máis común, representando o 4,7% da poboación. Outras linguas con presenza relevante son o albanés (3,6%), linguas da antiga Iugoslavia 2,4% (inclúe serbio, croata, macedonio e esloveno), español (2,2%) (a maioría co galego como lingua materna), francés (2,1%), inglés (1,8%) e portugués (1,6%)[4]
No tocante á relixión, dende a reforma de Ulrico Zuinglio, Zúric permaneceu como centro do Protestantismo en Suíza. Porén, no século XX os católicos consagráronse coma o meirande grupo relixioso da cidade, cun 33,3%, mentres que o número de habitantes que se declaran non relixiosos non para de medrar (un 16,8% en 2000).[5] Por outra banda, o nivel de desemprego en Zúric era do 2,6% (en agosto de 2007). Ao redor dun 4% da poboación (15.500 persoas) viven directa ou indirectamente do subsidio do estado (abril de 2005).[6]
[editar] Notas
