Yvain, o Cabaleiro do León

Ivain rescata o león

Yvain combatendo contra Gauvain

Ivain, o Cabaleiro do León (en francés: Yvain, le Chevalier au Lion) é unha novela de cabalarías de Chrétien de Troyes. Foi escrita probabelmente en 1170, simultaneamente con Lancelot, o Cabaleiro da Carreta, e inclúe varias referencias aos acontecementos daquel poema. O personaxe principal, Ivain, baséase nunha figura histórica, Owain mab Urien.

Argumento

Un día, na Corte do Rei Artur, Calogrenant narra un episodio acerca de como foi humillado por un cabaleiro que vive nun castelo cunha fonte con poderes máxicos. Yvain decide ir vingar o seu primo, matando o cabaleiro do castelo e despois casando coa viúva. Non obstante, en chegando á corte do rei, Gauvain convence a Yvain de que o matrimonio é mao para a reputación dun cabaleiro, motivo polo cal Yvain decide abandonar a súa esposa para vivir novas aventuras.

A pesar de que gaña reputación como cabaleiro, Yvain verase atormentado por perder o seu único e verdadeiro amor, o que vai levar a estar moi cerca da loucura. Perdido na fraga, ve un león combatendo contra unha serpe, e decide axudarlle ao león. Como agradecemento, este fica ao seu lado, e ambos vivirán unha serie de aventuras que terminarán por lle ensinar a Yvain o verdadeiro significado da honra, a amizade e o amor. Coa axuda dunha doncela da dona, recupera o amor da súa esposa e consegue o seu perdón.

Véxase tamén

Bibliografía

• TROYES, Chrétien de. Ivain, o Cavaleiro do Leão. En Romances da Távola Redonda. Tradución de Rosemary C. Abílio. São Paulo: Martins Fontes, 1991.
• LACY, Norris J. Chrétien de Troyes. En The New Arthurian Encyclopedia, pp. 88–91. Nova York: Garland, 1991. ISBN 0-8240-4377-4.

Ligazóns externas

• O Sangue nos Romances Arturianos por Prof. Dr. José Rivair Macedo. En Brathair. (en portugués)
• Edición electrónica de Four Arthurian Romances por Chrétien de Troyes (inclue Ivain), de acceso libre no Proxecto Gutenberg