Yersinia

Na Galipedia, a Wikipedia en galego.

Yersinia é un xénero de bacterias da familia Enterobacteriaceae. As Yersinia son bacilos gramnegativos de poucos microns de longo e menos dun micron de largo, anaerobios facultativos.[1] Algúns membros de Yersinia son patóxenos humanos, especialmente Y. pestis, que é o axente causante da peste bubónica. Os roedores son os reservorios naturais das Yersinia; máis raramente poden servirlles de hóspedes outros mamíferos. A infección pode producirse por vía sanguínea (no caso de Y. pestis) ou polos alimentos, polo consumo de alimentos (especialmente vexetais, lácteros e carne) contaminados con urina ou feces infectadas.

Fisioloxía microbiana[editar | editar a fonte]

Unha característica peculiar dalgunhas bacterias Yersinia é a súa capacidade de sobrevivir e mesmo proliferar a temperaturas baixas de entre 1 e 4 graos Celsius (por exemplo en produtos vexetais mantidos no refrixerador). Non mostran especial resistencia á calor. Yersinia é inactivado relativamente axiña por axentes oxidantes como o peróxido de hidróxeno e solucións de permanganato potásico.

Patoxénese[editar | editar a fonte]

Y. pestis é o axente causante da peste bubónica (ou das súas formas pneumónica e septicémica).

Y. enterocolitica causa unha enfermidade chamada yersiniose, que é unha enterocolite con diarrea e linfoadenoma dos nódulos mesentéricos, que pode ser confundida coa apendicite, e que afecta a humanos e animais.

Y. pseudotuberculosis é menos patoxénica e causa en animais unha enfermidade con síntomas parecidos aos da tuberculose, incluíndo necrose de tecidos localizados e granulomas no bazo, fígado e ganglios linfáticos. Nos humanos causa a febre escarlata do Oriente asiático (similar aos síntomas producidos por Y. enterocolitica, pero sen diarrea) ou, en nenos, síntomas parecidos aos da apendicite.[2]

Yersinia é un dos axentes que causa a artrite reactiva en todo o mundo.[3]

Historia[editar | editar a fonte]

Véxase tamén: Taxonomía bacteriana.

Yersinia pestis foi a primeira especie descrita do xénero, en 1894 polo bacteriólogo suízo A.E.J. Yersin e polo bacteriólogo xaponés Kitasato Shibasaburō, aínda que inicialmente á bacteria non se lle chamou así.[4] Lehmann and Neumann denominárona en 1896 Pasteurella pestis (coñecida como bacilo da peste).[4][5] En 1944, van Loghem reclasificou as especies P. pestis e P. rondentium no novo xénero Yersinia.[4][5][6] Despois da introdución do Código Bacteriolóxico, o xénero foi aceptado como válido en 1980.[5]

Notas[editar | editar a fonte]

  1. Ryan KJ; Ray CG (editors) (2004). Sherris Medical Microbiology (4th ed.). McGraw Hill. pp. 368–70. ISBN 0-8385-8529-9. 
  2. E-medicine - Yersinia pseudotuberculosis
  3. Nikkari, S.; Merilahti-Palo, R.; Saario, R.; Söderstrom, K. O.; Granfors, K.; Skurnik, M.; Toivanen, P. (1992). "Yersinia-triggered reactive arthritis. use of polymerase chain reaction and immunocytochemical staining in the detection of bacterial components from synovial specimens". Arthritis & Rheumatism 35 (6): 682–687. doi:10.1002/art.1780350613.
  4. 4,0 4,1 4,2 Loghem, J. J. (1944). "The classification of the plague-bacillus". Antonie van Leeuwenhoek 10 (1–2): 15–16. doi:10.1007/BF02272779. PMID 20990853.
  5. 5,0 5,1 5,2 Yersinia entry in LPSN [Euzéby, J.P. (1997). "List of Bacterial Names with Standing in Nomenclature: a folder available on the Internet". Int J Syst Bacteriol 47 (2): 590-2. doi:10.1099/00207713-47-2-590. ISSN 0020-7713. PMID 9103655. http://ijs.sgmjournals.org/cgi/reprint/47/2/590.]
  6. "LPSN Yersinia". Arquivado dende o orixinal o 22 de marzo de 2013. Consultado o 31 de decembro de 2012. 

Véxase tamén[editar | editar a fonte]

Ligazóns externas[editar | editar a fonte]