Junta de Comunidades de Castilla-La Mancha

Na Galipedia, a Wikipedia en galego.

A Junta de Comunidades de Castilla-La Mancha, ou simplemente Junta de Comunidades, é a institución en que se organiza o autogoberno da comunidade autónoma de Castela-A Mancha, España.

A Junta de Comunidades está integrada polas Cortes de Castela-A Mancha, polo presidente da Junta de Comunidades e polo Consello de Goberno.

Cortes de Castela-A Mancha[editar | editar a fonte]

Artigo principal: Cortes de Castela-A Mancha.

As Cortes de Castela-A Mancha son a Asemblea Lexislativa da Comunidade Autónoma, á que corresponde a elaboración e aprobación das Leis e a elección e cesamento do Presidente da Junta de Comunidades.

Presidente da Junta de Comunidades[editar | editar a fonte]

Artigo principal: Presidente de Castela-A Mancha.

O Presidente da Junta de Comunidades é o supremo representante da Comunidade Autónoma e o representante ordinario do Estado na mesma; a súa elección ten lugar polo voto favorable da maioría absoluta do Pleno das Cortes de Castela-A Mancha e o seu nomeamento corresponde ao Rei.

Consello de Goberno[editar | editar a fonte]

O Consello de Goberno é o órgano político e administrativo superior da Comunidade, ao que corresponde o exercicio da potestade regulamentaria e o desempeño da función executiva; está composto polo Presidente da Xunta de Comunidades, que o preside, e polos Conselleiros nomeados por el para facerse cargo das distintas Consellerías. Tras a última remodelación do Goberno de Castela-A Mancha producida o 25 de maio de 2011,[1] o Consello de Goberno está formado polos seguintes conselleiros:

Cargo Nome
Presidencia María Dolores de Cospedal García
Consellería de Presidencia e Administracións Públicas Jesús Labrador Encinas
Consellería de Economía e Facenda Diego Valle Aguilar
Consellería de Sanidade e Asuntos Sociais José Ignacio Echániz Salgado
Consellería de Fomento Marta García de la Calzada
Consellería de Emprego e portavocía do Goberno Leandro Esteban Villamor
Consellería de Educación, Cultura e Deportes Antonio Marcial Marín Hellín
Consellería de Agricultura María Luisa Soriano Martín


Notas[editar | editar a fonte]

Véxase también[editar | editar a fonte]

Ligazóns externas[editar | editar a fonte]