Xoán González-Millán

Xoán González-Millán
Biografía
Nacemento	22 de xuño de 1951 ; O Grove, España
Morte	23 de novembro de 2002 (51 anos); Lexington, Estados Unidos de América
Causa da morte	Accidente de tráfico
Datos persoais
País de nacionalidade	España
Educación	Universidade de Santiago de Compostela ; Universidade Pontificia Comillas
Actividade
Ocupación	teórico literario , profesor universitario
Lingua	Lingua galega, lingua inglesa e lingua castelá

Xoán González Millán, nado no Grove o 22 de xuño de 1951^[1] e finado en Lexington (estado de Nova York) o 23 de novembro de 2002, foi un estudoso e crítico literario galego, especialista en Álvaro Cunqueiro.

Traxectoria profesional[editar | editar a fonte]

Estudou Filosofía e Letras na Universidade de Santiago de Compostela e posteriormente Antropoloxía na de Comillas. En 1987 doutorouse pola Universidade da Cidade de Nova York^[2], cunha tese sobre Álvaro Cunqueiro, escritor sobre o que redactaría a maior parte da súa obra como crítico. Conseguiu praza de profesor de literaturas hispánicas e lusobrasileiras no Hunter College da Universidade de Nova York, e coordinou o Centro de Estudos Galegos desa entidade, o primeiro en abrirse nos Estados Unidos de América.

Colaborou en distintas revistas de cultura e crítica literaria, como Grial, A Trabe de Ouro ou A Nosa Terra. Entre 1993 e 2000 foi ademais director do Anuario de Estudos Literarios Galegos.

Álvaro Cunqueiro e «Merlín e familia» (1991), Editorial Galaxia.
Álvaro Cunqueiro: os artificios da fabulación (1991), Galaxia.
Silencio, parodia e subversión: cinco ensaios sobre narrativa galega contemporánea (1991), Xerais.
Literatura e sociedade en Galicia (1975-1990) (1994), Xerais.
Fantasía e desintegración na narrativa de Álvaro Cunqueiro (1996), Fundación Alfredo Brañas.
A narrativa galega actual (1975-1984) (1996), Xerais.
Resistencia cultural e diferencia histórica (2000), Sotelo Blanco Edicións.
O diccionario enciclopédico de Eladio Rodríguez, (2001), Xerais.

Carlos Casares: a semente aquecida da palabra (2003), Consello da Cultura Galega.

Proceso textual y desintegración narrativa en la novelística de Álvaro Cunqueiro, (1988), Universidade de Míchigan.

En 2004 nomeárono fillo predilecto do Grove a título póstumo.^[3]

Faleceu como consecuencia dun accidente de tráfico sufrido o 22 de novembro, en Lexington, no parque natural de Catskill, onde tamén morreu a súa muller, Esperanza Caneda.

Fernández del Riego, F. (1992) [1990]. Diccionario de escritores en lingua galega (2ª ed.). Do Castro. p. 194. ISBN 84-7492-465-0.
"González-Millán, Xoán". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.
Casas, Arturo, Lourido, Isaac e Martínez, Cristina, ed. (2023). Xoán González-Millán. A projeção de um pensamento crítico. Através Editora.
A revista Grial no nº 236 (2022) inclúe estudos sobre González Millán:
- Alex Alonso Nogueira: "Xoán González-Millán, obra aberta, vinte anos despois".
- Alex Alonso Nogueira: "Xoán González-Millán e o esgotamento da literatura galega".
- Dolores Vilavedra: "González-Millán e a renovación dos Estudos literarios galegos".
- María do Cebreiro Rábade Villar: "O valor monumental dos documentos. A hipótese da biblioteca do imaxinario nacional no pensamento de Xoán González-Millán".
- Danny Barreto: "As derradeiras leccións do profesor".