Xoán González Millán
Xoán González Millán, nado no Grove en 1951 e falecido en Nova York o 23 de novembro de 2002, foi un estudoso e crítico literario galego, especialista en Álvaro Cunqueiro.
Índice |
[editar] Traxectoria profesional
Estudou Filosofía e Letras na Universidade de Santiago de Compostela e posteriormente Antropoloxía na de Comillas. En 1987 doutorouse pola Universidade da Cidade de Nova York[1], cunha tese sobre Álvaro Cunqueiro, escritor sobre o que redactaría a maior parte da súa obra como crítico. Conseguiu praza de profesor de literaturas hispánicas e lusobrasileiras no Hunter College da Universidade de Nova York, e coordinou o Centro de estudos galegos desa entidade, o primeiro en abrirse nos Estados Unidos.
Colaborou en distintas revistas de cultura e crítica literaria, como Grial, A Trabe de Ouro ou A Nosa Terra. Entre 1993 e 2000 foi ademais director do Anuario de Estudos Galegos.
Tamén foi presidente da Asociación Internacional de Estudos Galegos (AIEG).
[editar] Obra en galego
[editar] Ensaio
- Álvaro Cunqueiro e «Merlín e familia» (1991), Galaxia.
- Álvaro Cunqueiro: os artificios da fabulación (1991), Galaxia.
- Silencio, parodia e subversión: cinco ensaios sobre narrativa galega contemporánea (1991), Xerais.
- Literatura e sociedade en Galicia (1975-1990) (1994), Xerais.
- Fantasía e desintegración na narrativa de Álvaro Cunqueiro (1996), Fundación Alfredo Brañas.
- A narrativa galega actual (1975-1984) (1996), Xerais.
- Resistencia cultural e diferencia histórica (2000), Sotelo Blanco.
- O diccionario enciclopédico de Eladio Rodríguez, (2001), Xerais.
[editar] Obras colectivas
- Carlos Casares: a semente aquecida da palabra (2003), Consello da Cultura Galega.
[editar] Obra en castelán
[editar] Ensaio
- Proceso textual y desintegración narrativa en la novelística de Álvaro Cunqueiro, (1988), Universidade de Michigan.
[editar] Obra en francés
[editar] Obras colectivas
- Communication littéraire et culture en Galice , a canda Antón Figueroa, edicións L'Harmattan, Francia e Canada 1997, ISBN 2-7384-5286-8
[editar] Galardóns
A título póstumo foi nomeado fillo predilecto do Grove[2].
[editar] Vida persoal
Faleceu como consecuencia dun accidente de tráfico sufrido o 22 de novembro, en Lexington, no parque natural de Catskill, onde tamén morreu a súa muller, Esperanza Canedo.
